«Зэкъошныгъ» Мыекъуапэ — «Спартак» Владикавказ — 1:0. Адыгэ республикэ стадионым гъэтхапэм и 14-м щызэдешIагъэх. Зезыщагъэхэр: В. Ермаков — Краснодар, Д. Магомедов — Махачкала, Д. Мезенцев — Воронеж. «Зэкъошныгъ»: Ковалев, Белов, Катаев, Омаров, ХъуакIо, Такълый (Крылов, 46), Дыхъу (Ещенко, 46), Ахмедханов, Мамонов, Къонэ (Шъхьэлахъо, 90), Кадимов (Бабенко, 46). Къэлапчъэм Iэгуаор дэзыдзагъэр: Мамонов — 51-рэ, «Зэкъошныгъ».

ЯтIонэрэ купым хэт футбол командэхэм 2019 — 2020-рэ илъэс ешIэгъур рагъэжьэжьыгъ, апэрэ зэIукIэгъухэр гъэтхапэм и 10 ­— 14-м яIагъэх. «Зэкъошныгъэм» икапитанэу Къонэ Амир ыпэкIэ зелъым, ухъумакIохэм аIэкIэкIызэ «бырсыр ахилъхьагъ», хэпшIыкIэу ыгъэгумэкIыгъэх. А нэгъэупIэпIэгъум Iэгуаор къызыIэкIэхьэгъэ Антон Мамоновыр къэлапчъэм зыдэом, ухъумакIом ылъакъо Iэгуаор тефи, хъагъэм щычэрэгъугъ —1:0. «Спартак» иешIакIохэу Г. Базаевым, А. Наниевым, А. Сохне­вым тикъэлапчъэ Iэгуаор къыдадзэнэу чIыпIэшIу ифэхэу къы­хэкIыгъ. Тафэраз къэлэпчъэ­Iутэу Р. Ковалевым, ухъумакIо­хэм, цыхьэшIэгъоу ешIагъэх.

Пресс-зэIукIэр

— ЕшIэгъур зэрэкIуагъэм тигъэрэзагъ, ау пчъагъэр тифедэп. «Зэкъошныгъэр» командэ пыт, иешIакIэ тшIогъэшIэгъон. Тикомандэ ныбжьыкIабэ тштагъэ, опыт яIэп, — къытиIуагъ «Спартак» итренер шъхьаIэу Валерий Гороховым.

— Зичэзыу ешIэгъухэм зафэдгъэхьазырыщт, ешIакIоу тшта­гъэхэм зыкъызэIуахынэу тяжэ. Футболыр зышIогъэшIэгъонхэр дгъэгушIохэ тшIоигъу, — къыщи­Iуагъ зэхахьэм «Зэкъошныгъэм» итренер шъхьаIэу Ешыгоо Сэфэрбый.

ЕшIэгъухэр

«Интер» — «Анжи» — 2:2, «Урожай» — «Интер» — 3:0, «Биолог» — «Динамо» — 3:0, «Спартак» Нч — «Волгарь» — 0:4, «Легион» — «Мэщыкъу» — 3:0, СКА – «Махачкала» — 1:1, «Алания» — «Краснодар-3» — 4:0, «Анжи» — «Черноморец» — 3:2.

ЧIыпIэхэр

1. «Волгарь» — 50 2. «Алания» — 46 3 «Зэкъошныгъ» — 34 4. «Черноморец» — 33 5. «Динамо» — 27 6. «Легион» — 27 7. СКА – 26 8. «Биолог» — 26 9. «Махачкала» — 26 10. «Мэщыкъу» — 24 11. «Интер» — 20 12. «Урожай» — 20 13. «Спартак» Нч – 19 14. «Краснодар-3» — 18 15. «Анжи» — 10 16. «Спартак» Вл ­— 8.

Гъэтхапэм и 21-м «Зэкъошныгъэр» «Анжи» Махачкала Мые­къуапэ щыIукIэщт.