Хэгъэгум футболымкIэ иапшъэрэ куп щыкIорэ зэнэкъо­къум хэт командэхэм я 22-рэ зэIукIэгъухэр яIагъэх.

КIэуххэр

«Ахмат» — «Динамо» — 2:3, «Оренбург» — «Спартак» — 1:3, «Зенит» — «Урал» — 7:1, «Арсенал» — «Рубин» — 0:1, «Шъа­чэ» — «Краснодар» — 2:0, ЦСКА — «Уфа» — 0:0, «Ростов» — «Локомотив» — 1:3, «Тамбов» — «Крылья Советов» — 3:0. «Зенит» дышъэр къызэрэдихыщтыр пэшIорыгъэшъэу къэтэIо, ау хагъэунэфыкIырэ чIыпIэхэр зыфагъэшъошэщтхэр къэшIэгъуае. «Краснодар», «Локомотив», «Рос­тов», ЦСКА – ахэр медальхэм нахь апэблагъэх. Ар къыдэплъытагъэми, апшъэрэ купым къыхэзыщтхэм уягупшысэ. Ауж къинэ­хэрэр апэ итхэм атекIохэ зыхъу­кIэ, командэхэм чIыпIэу къыда­хыщтыр нахь къэшIэгъуае мэхъу. «Шъачэ» А. Кокориным фэдэ ешIэкIо лъэшхэр ыштагъэхэу апшъэрэ купым зыщегъэпытэ. «Крылья Советов» анахь дэгъоу щешIэщтыгъэ Александр Соболевыр «Спартак» Москва рагъэблэгъагъ. Самарэ икомандэ кIочIаджэ хъунымкIэ гумэкIыгъохэр иIэх. «Ахмат» икъалэ щешIэзэ зэIукIэгъухэр шIуахьыхэзэ сыдэущтэу зиIэтыжьыщта? Хэт тыдэ щыIа? 1. «Зенит» — 50 2. «Локомотив» — 41 3. «Краснодар» — 41 4. «Ростов» — 38 5. ЦСКА – 36 6. «Динамо» — 30 7. «Арсенал» — 28 8. «Спартак» — 28 9. «Уфа» — 27 10. «Урал» — 25 11. «Тамбов» — 25 12. «Шъачэ» — 24 13. «Оренбург» — 23 14. «Рубин» — 23 15. «Кр. Советов» — 22 16. «Ахмат» — 20. Я 23-рэ зэIукIэгъухэр 20.03. 19:30 «Шъачэ» — «Ростов» 21.03. 14:00 «Урал» — «Рубин» 21.03. 16:30 «Арсенал» — «Спартак» 22.03. 14:00 «Кр.Советов» — «Ахмат» 22.03. 14:00 «Уфа» — «Тамбов» 22.03. 16:30 ЦСКА – «Зенит» 22.03. 19:00 «Краснодар» — «Динамо» ШъунаIэ тешъудз: «Локомоив» — «Оренбург» — ешIэгъур нэмыкI мафэм щыIэщт.

ЕМТIЫЛЪ Нурбый.