«Динамо-МГТУ» Мыекъуапэ — «Тамбов» Тамбов хэку — 96:87 (20:23, 19:20, 26:25, 31:19). Гъэтхапэм и 8-м республикэ спорт Унэшхоу «Ошъутенэм» щызэдешIагъэх.

Зезыщагъэхэр: А. Андреев — Пятигорск, М. Шмидт — Волгоград, В. Газарянц — Крас­нодар. «Динамо-МГТУ»: Фещенко — 29, Александров — 11, Гапошин — 8, Абызов — 8, Кочнев — 15, Суслов — 9, Мелютин — 2, Майборода, Еремин — 14. «Тамбовым» къыхэщыгъэхэр: Гладышев — 15, Абдулбасиров — 13, Кривых — 10, Загретдинов — 10.

Очкоуищ дзыгъуи 7-м щыщэу 5-р И. Фещенкэм хъагъэм ри­дзагъ, зэIукIэгъум щысэшIу къыщигъэлъэгъуагъ. ЕшIэгъур аухынымкIэ такъикъи 10 къэнагъэу «Тамбовыр» «Динамэм» ыпэ итыгъэми, тиспортсменхэм текIоныгъэр къыдахын алъэкIыгъ. Очко 31-рэ аужырэ едзыгъом къызэрахьыгъэр бгъэшIэгъонэу щыт.

ЯтIонэрэ ешIэгъур

«Динамо-МГТУ» — «Тамбов» — 79:91 (26:23, 23:18, 9:25, 21:25).

«Динамо»: Фещенко — 6, Александров — 10, Гапошин — 23, Абызов — 6, Кочнев — 18, Суслов — 2, Милютин — 11, Майборода — 3.

Пчъагъэр зэрэлъыкIуатэрэмкIэ текIоныгъэр къыдэзыхыщтыр къэпшIэнэу щытыгъэп: 0:6, 2:12, 14:14, 26:23, 36:30. Ящэнэрэ едзыгъор тиешIакIохэм зыIэкIа­гъэ­­кIыгъ. «Тамбовыр» тапэ ишъыгъ. А. Гапошиным, И. Александровым очкоуи 3 дзыгъохэр дэгъоу агъэ­цакIэх, хъагъэм Iэгуаор ра­дзэ. Хъурджанэм ычIэгъ пхъашэу щэ­банэх Ю. Кочневыр, А. Милютиныр. Пчъагъэр 52:52 хъугъэ, ау икIэрыкIэу «Тамбовыр» «Динамэм» ыпэ ишъыгъ. Р. Абдулбасировым, Р. Загретдиновым, И. Гавриловым, нэмыкIхэм хъур­джанэм Iэгуаор радзэ, пчъагъэр тифедэп — 66:76.

М. Абызовым, Ю. Кочневым, А. Гапошиным, нэмыкIхэм хъагъэм Iэгуаор радзэ, тагъэгушIо, 75:75. ЗэIукIэгъур аухынымкIэ такъикъи 4-м нахьыбэ къэнагъ. «Тамбовым» икапитанэу И. Гавриловым зэкIэлъыкIоу гъогогъуи 2 хъагъэм Iэгуаор редзэ, къэнагъэр 1.35-рэ, пчъагъэр 77:87…

Пресс-зэIукIэр

— Гуетыныгъэ ахэлъыгъ, ау тиешIакIохэм зэдырагъэштэн алъэ­кIыгъэп. КIэухым зэнэкъо­къур зыхьыщтыр къэлъэгъуагъ, — къытиIуагъ «Динамэм» итре- нер шъхьаIэу Андрей Синельниковым. — Николай Ереминыр ятIонэрэ ешIэгъум хэлэжьагъэп, ащ ылъакъо мэузы. Зичэзыу зэ­IукIэгъухэм зафэдгъэхьазырыщт. «Динамэр» Чебоксары гъо­гогъуитIо щешIэщт, ащ ыуж Ир­кутскэ икомандэ Мыекъуапэ ты­щыIукIэщт.

Сурэтыр Мыекъуапэрэ Тамбоврэ якомандэхэм язэIукIэгъу къыщытетхыгъ.