Ным ыпсэ укъыщыущи, Ны бгъэгум «нан» къыщыпIуагъ. Ны Iапэм гъашIэм ухищи, Ны куашъом зыщыпIэтыгъ. Зэхэх, лъфыгъэр, ар шъыпкъэ. ЗэгъашIэ, уныбжь икъугъ. Ны нэпсыр нэкум щэчъакъо, Быдзыщэр гъашIэ пфикъугъ. Ны бгъашъоу къыпфэшъэбагъэм Нэпсыцэ темыгъэфэжь. Хьалэлэу къыбдэлэжьагъэм Ижьау зычIэгъэфэжь. Ны гупсэу зыпсэ ущыщым ИшIушIэ уемыщэчыжь. Уигъогу зэхэкIмэ ащыщым Ным фэдэу IаплI ещэкIыжь. Ныр шъабэу къыодэхашIэу, Чэщ мычъыябэ пфырех Уинэфи, уишIункIи зэхишIэу Орэд дэхабэ пфыхех. Зи арэп ныхэр зыфаехэр, Пэгъох гущыIэ фабэ. Зи арэп ныгур зыфаер, Фэдзыжь гукIэгъу лъапэ. Хъут Сар. Адэмый.