Адыгабзэмрэ тхыбзэмрэ я Мафэ гъэтхапэм и 14-м хагъэунэфыкIыщт. Ащ къыхиу­бы­тэрэ Iофтхьабзэхэм ахэтэу Дунэе диктант гъэтхапэм и 6-м сыхьатыр 15-м атхыщт.

Iофтхьабзэр лъэпкъыбзэм икъызэтегъэнэжьын, ар нахь цIыфыбэмэ зэрагъашIэ ашIоигъо хъуным фэлэжьэщт. Диктантыр зэхащэ «Адыгэ Хасэм – Щэрджэс парламентым», АР-м гъэсэныгъэмрэ шIэныгъэмрэкIэ и Министерствэ ыкIи Адыгэ къэралыгъо университетым адыгэ филологиемкIэ икафедрэ.

Диктантыр чIыпIищмэ ащыптхын плъэкIыщт. Ахэр Адыгэ къэралыгъо университетым инаучнэ библиотекэ итхылъеджэпIэ ыкIи иконференц-залхэр арых. Адресыр: урамыр Пионерскэр, 260;

Адыгэ къэралыгъо университетым иконференц-залэу еджэпIэ унэ шъхьаIэм хэтыр;

Адыгэ къэралыгъо университетым иеджэпIэ унэ шъхьа­Iэ хэт аудиториеу N 205-р.