Адыгэ Республикэм физкультурэмкIэ ыкIи спортымкIэ и Комитет спортсмен ыкIи тренер анахь дэгъухэм якъыхэхын фэгъэхьыгъэ зэфэхьысыжьхэр щашIыгъэх.

2019-рэ илъэсым спортсменхэм, тренерхэм гъэхъагъэу ашIыгъэм уасэ фэзышIыщт купэу зэхащагъэм иунашъокIэ анахь дэгъухэм ацIэхэр къыраIуагъэх. Аныбжьхэм ялъытыгъэу спорт­сменхэр купитIоу агощыгъэх.

Нахьыжъхэр

1. Борсэ Астемир – кикбоксинг

2. Бочков Родион – атлетикэ онтэгъур

3. Дейко Ольга – кушъхьэ­фэчъэ спортыр

4. Дюбина Кристина – тхэквондор

5. Евтушенко Александр – кушъхьэфэчъэ спортыр

6. Морозова Кристина – ушу

7. Ошуркова Елизавета – кушъхьэфэчъэ спортыр

8. Пономаренко Валерий – спорт щэрыоныр

9. Рудь Александр – къокIыпIэ шъхьэзэкъо зэнэкъокъур

10. Хьатхъохъу Байзэт – боевой самбэр.

НыбжьыкIэхэр

1. Агаенко Эрик – тхэквондор

2. Акопян Вардкез – самбэр, дзюдор

3. Бабушкина Оксана – кушъхьэфэчъэ спортыр

4. Комогорова Екатерина – кушъхьэфэчъэ спортыр

5. Могилевская Анастасия – кушъхьэфэчъэ спортыр

6. Новикова Кристина – кушъхьэфэчъэ спортыр

7. Подзвездов Владислав – атлетикэ псынкIэр

8. Соловьева Екатерина – самбэр

9. ЛIыIужъу Азмэт – самбэр

10. Толмачева Елизавета – атлетикэ онтэгъур.

Тренерхэр

1. Войнов Алексей – кушъхьэфэчъэ спортыр

2. Голуб Никита – гандболыр

3. Гуляйченко Георгий – спорт щэрыоныр

4. Есин Василий – тхэквондор

5. Казаков Роман – атлетикэ онтэгъур

6. НэмытIэкъо Аскэр – ушу

7. Сихъу Казбек – кикбоксинг

8. Хьабэхъу Адам – самбэр

9. Хьакурынэ Дамир – самбэр, дзюдор

10. Хьаткъо Ахьмэд – къокIыпIэ шъхьэзэкъо зэнэкъокъур.

Къыхагъэщыгъэх

Хэгъэгу, дунэе зэIукIэгъухэм хагъэунэфыкIырэ чIыпIэхэр къащыдэзыхыгъэхэ спортсменхэр шъхьафэу къыхагъэщыгъэх.

«Олимпиадэ гугъапIэхэр» зыфиIорэ купым къыщыхахыгъэх Александр Алифиренкэмрэ, спорт щэрыоныр, Даур Къадырбэчырэ – тхэквондор.

«Илъэсым къыщыхэщыгъ» зыфиIорэм нэбгыри 4-мэ ацIэхэр къыщыраIуагъэх.

Мерэм Дамир – дзюдор

Къэлэкъутэкъо Дамир – урым-рим бэнакIэр

Магомедов Камалудин – урым-рим бэнакIэр

Тембот Ахьмэдхъан – шъхьафит бэнакIэр.

Спортсмен, тренер анахь дэгъухэу къыхахыгъэхэм афэгъэхьыгъэ тхыгъэхэр тигъэзет къыщыхэтыутыщтых.

ЕМТIЫЛЪ Нурбый.