Урысыем изэнэкъокъу-фестивалэу «Дон инэфылъэхэр» Ростов-на-Дону щыкIуагъ.

Волгоград, Ростов хэкухэр, Ставрополь, Краснодар крайхэр, Къырым, Адыгеир, нэмыкIхэри зэхахьэм хэлэжьагъэх.

Адыгэ Республикэм илъэпкъ орэдыIо ансамблэу «Долинам» шIухьафтын шъхьаIэу «Гран-при» зыфиIорэр къыфагъэшъошагъ. «Казачатэм» апэрэ чIыпIэр къы­дихыгъ. Юрий Кобэ Гран-прир къыхьыгъ. Апэрэ чIыпIэхэр Елизавета Ковешниковам, Екатерина Правоторовам, Ксения Стариковам, Нина Ефремовам къыдахыгъэх.

Адыгеим икIыгъэ купэу «Звонницэм» ипащэу Дмитрий Гордиенкэм тизэдэгущыIэгъу къыщыхигъэщыгъ кIэлэеджакIохэм ясэ­наущыгъэ къызэрэзэIуахырэр. МузыкэмкIэ пащэу Григорий Михайловым, орэдыIохэр зыгъэсэхэрэ Татьяна Мединскаям, Нина Ефремовам, ансамблэу «Отрадэм» имузыкантхэу Евгений Полун, Любовь Сапон, Евгений Стефаненкэм, Наталья Сушковам, Василий Штондэ, зэхэщэн IофхэмкIэ IэпыIэгъу къафэхъугъэхэм Д. Гордиенкэр лъэшэу афэраз.

Сурэтым итхэр: «Звонницэм» хэтхэр.