ТелефонкIэ къатыгъ. Мые­къопэ футбол клубэу «Зэкъошныгъэр» Адлер щыI. 2019 — 2020-рэ илъэс ешIэгъум пиублэ­жьынэу зигъэхьазырзэ, уплъэ­кIун зэIукIэгъухэм ахэлажьэ.

«Зэкъошныгъэр» Урысыем щыпсэурэ нэмыцхэм яхэшыпыкIыгъэ командэ дешIагъ, 2:0-у текIоныгъэр къыдихыгъ. Къонэ Амиррэ Денис Крыловымрэ къэ­лапчъэм Iэгуаор дадзагъ.

— Таганрог, Челябинскэ якоман­дэхэм, нэмыкIхэм уплъэ­кIун зэIукIэгъухэр адытиIэщтых, — къытиIуагъ «Зэкъошныгъэм» итренер шъхьаIэу, Адыгэ Рес­публикэм изаслуженнэ тренерэу Ешыгоо Сэфэрбый.

— Адыгеим футболымкIэ икIэ­лэцIыкIу-ныбжьыкIэ спорт еджапIэ щагъэсагъэхэу ешIэкIуи 5 «Зэкъошныгъэм» тштагъэ. Хьасанэкъо Амир, Гъыщ ТIахьир, Делэкъо Мурат, Такълый Рус­лъан, ХъуакIо Темыр. Гъэтхапэм и 4-м нэс Адлер тыщыIэщт, хэгъэгум изэнэкъокъу зыфэдгъэхьазырыщт.