Тыркуем кушъхьэфэчъэ спортымкIэ Дунэе зэIукIэгъухэр щыкIуагъэх.

Адыгэ Республикэм испорт еджапIэ зыщызыгъэсэрэ СтIашъу Мамыр Урысыем ихэшыпыкIыгъэ командэ хэт. Километри 160-рэ хъурэ гъогум щыкIогъэ зэнэкъокъум СтIашъу Мамыр хэлэжьагъ. ЗэIукIэгъум спортсмени 120-м нахьыбэ щызэнэкъокъугъ. Аужырэ метрэхэр зэкIэми анахь псынкIэу нарт шъаом къыкIугъэх, апэрэ чIыпIэр къыфагъэшъошагъ.

— СтIашъу Мамыр Тыркуем икъалэу Анталие, фэшъхьафхэм ащыкIощт Дунэе зэIукIэгъухэм зафегъэхьазыры, — къытиIуагъ Адыгэ Республикэм кушъхьэфэчъэ спортымкIэ иеджапIэ ипащэу Анатолий Лелюк.

Сурэтым итхэр: зэнэкъокъум хэлажьэх, СтIашъу Мамыр ыIэ Iэтыгъэу апэ ишъыгъ.