«Динамо-МГТУ» Мыекъуапэ – «Чебоксарские Ястребы» Чебоксары – 84:87 (29:21, 15:25, 19:23, 21:18). Мэзаем и 18-м спорт Унэшхоу «Ошъутенэм» щызэдешIагъэх.

Зезыщагъэхэр: А. Курносов, С. Тимошков, Н. Чухлебов.

«Динамо-МГТУ»: Фещенко — 21, Александров – 18, Гапошин – 7, Абызов – 10, Еремин – 2, Суслов, Милютин – 5, Майборода – 5, Кочнев – 16. «Чебоксарские Ястребы» къыхэщыгъэхэр: Кадыков – 19, Жульков – 18, Рогожкин – 15, Богдан – 10.

ТекIоныгъэр къыдэзыхыщтыр къэшIэгъуае зэрэхъугъэм зэнэкъо­къур къыгъэдэхагъ. IэпэIэсэныгъэ ин къагъэлъагъозэ, очкоуи 3 дзыгъохэр дэгъоу зыгъэцэкIагъэхэм ащыщых Илья Александровыр, Артем Гапошиныр. Баскетболым хэгъозагъэхэ С. Жульковыр, К. Кадыковыр хьакIэхэм къахэщыгъэх. Анахь лъэпэлъагэу Н. Рогожкиныр хъурджанэм ычIэгъ дэгъоу щешIагъ.

«Динамо-МГТУ-м» изичэзыу ешIэгъухэр гъэтхэпэ мазэм и 8 – 9-м Мыекъуапэ щыкIощтых.