Къыблэм дзюдомкIэ изэнэкъокъу Адыгэ къэралыгъо университетым щыкIуагъ. Илъэс 23-м нэс зыныбжь кIалэхэр, пшъашъэхэр зэIукIэгъухэм ахэлэжьагъэх.

Яонтэгъугъэхэм ялъытыгъэу хагъэунэфыкIырэ чIыпIэхэр къыдэзыхыгъэхэ тибэнакIохэм шъуа­щытэгъэгъуазэ. ЦIыкIу Рэмэзанэ, кг 60, дышъэр къыфагъэшъошагъ. Тренерхэу Джарымэкъо Рустамрэ Шъэумэн Байзэтрэ агъасэ.

Ульяна Ткаченкэм, кг 48-рэ, тыжьыныр къыдихыгъ. Тренерэу Адзынэ Алый ипащэу пшъашъэм дзюдом зыфегъасэ.

Вардкез Акопян, кг 100-м къе­хъу, ятIонэрэ чIыпIэр къыхьыгъ. Тренерхэу Д. Хьакурынэр, Т. Ато­ян ипащэх. ТхьакIущынэ Ахьмэд, кг 100, джэрзыр къыдихыгъ. Тре­нерхэу Д. Хьакурынэр, К. Куржьыр ипащэх. Ордэн Заур, кг 81-рэ ящэнэрэ чIыпIэр къыдихыгъ. Тренерхэу Р. Беданыкъор, Р. Нэ­джыкъор ипащэх. Бэгъ Аслъан, кг 90-рэ, джэрзыр къыхьыгъ, тренерэу Р. Беданыкъор ипащэу дзюдом зыфегъасэ.

Анна Лодневам, кг 63-рэ, тыжьыныр къыдихыгъ, тренерыр Адзынэ Алый. Анна Юшковам, кг 78-м къехъу, ятIонэрэ чIыпIэр къыдихыгъ, тренерэу И. Вержбицкэр ипащ.

— Апэрэ чIыпIитфыр къыдэзыхыгъэхэ кIалэхэр, апэрэ чIыпIищыр къэзыхьыгъэхэ пшъашъэ­хэр Урысыем иныбжьыкIэхэм якIэух зэнэкъокъоу гъэтхапэм и 4 — 8-м Тюмень щыкIощтым хэлэжьэщтых, — къытиIуагъ Адыгэ Республикэм дзюдомкIэ ихэшыпыкIыгъэ командэ итренер шъхьаIэу, Адыгеим изаслуженнэ тренерэу Бастэ Сэлымэ.

Сурэтыр Мыекъуапэ щыкIогъэ зэнэкъокъум къыщытетхыгъ.