Дунэе зэнэкъокъоу «Москва ижъуагъу» зыфи­Iорэм хэхьэрэ едзыгъо Адыгэ Республикэм и Къэралыгъо филармоние щызэхащагъ.

Къэбэртэе-Бэлъкъарым, Къэ­рэщэе-Щэрджэсым, Краснодар краим, къэралыгъоу СССР-м хэ­тыгъэхэ шъолъырхэм, нэмыкI­хэми къарыкIыгъэхэр зэнэкъо­къум хэ­лажьэх. Артистхэм орэд­хэр къаIох, музыкальнэ Iэмэ-псы­мэ­хэмкIэ мэкъамэхэр агъэжъынчых.

Тиреспубликэ и Къэралыгъо филармоние иорэдыIохэу Нэгъой Беллэрэ Сергей Трутневымрэ апэрэ чIыпIэхэр къафагъэшъошагъэх. Адыгэ Республикэм иорэдыIо-къэшъокIо ансамблэу «Ислъамыем» иартисткэу Нэгъой Азэ мэкъэ Iэтыгъэ чан зэриIэр зэхэ­щакIохэм къыхагъэщыгъ, апэрэ чIыпIэр къыхьыгъ. Музыкальнэ Iэмэ-псымэхэмкIэ къадежъыугъэхэм, орэдышъохэр къезыгъэIуагъэхэм филармонием иартисткэу Набэкъо Беллэ къахагъэщыгъ, шIухьафтын шъхьаIэу «Гран-при» зыфиIорэр къыфагъэшъошагъ.

— Москва кIэух Дунэе зэнэ­къокъоу щыкIощтым тыхэлэжьэнэу тырагъэблэгъагъ, — къыти­Iуагъ Набэкъо Беллэ. — Адыгэ Республикэм ищытхъу искусст- вэм щытIэты тшIоигъоу зэхэхьэшхом зыфэтэгъэхьазыры.