ТIуапсэ щыщхэр атекIуагъэх
ТIопсэ районым икIэлэцIыкIу творческэ купхэм яIэпэIэсэныгъэ хагъахъо, текIоныгъакIэхэр ашIых.
КъэшъокIо ансамблэу «Черкесием» хореографиемрэ цирк искусствэмрэкIэ фестиваль- зэнэкъокъоу Краснодар щыкIуагъэм Гран-при къыщихьыгъ. Ансамблэм хэтхэр псэупIэу Ныджэпсыхъу къыздикIыгъэхэр. Къуаджэу Агуй-Шапсыгъэ щызэхэщэгъэ къэшъокIо ансамблэу «Зори Шапсугии» зыцIэм хэтхэм Краснодар краим щызэхащэгъэгъэ фестивалэу «Лэгъупкъопсым» гъуаплъэр къыщыдахыгъ.
«Черкесиер», «Лъэпкъ къашъор» зыфиIорэ номинациехэр ары зыхэлэжьагъэхэр. Къашъохэу «МэфэкI лезгинкэмрэ» «Къушъхьэ къашъомрэ» къашIыгъэх. Илъэси 6 зыныбжьхэм къащегъэжьагъэу къэшъокIо 400 фэдиз зыхэлэжьэгъэ зэнэкъокъухэм ащатекIуагъэх. Фестивалым Краснодар краим имызакъоу, Темыр Осетием икъэшъокIо цIыкIухэри хэлэжьагъэх. Краснодар зыкъыщызыгъэлъэгъогъэ ансамблэхэм «Созвездиер» (КодэшъхьапI), «Ани» (Гъуакъо), «Тарон» (Ныджэпсыхъу) ахэтыгъэх.