Мыекъуапэ волей­бо­лымкIэ изэIухыгъэ зэнэкъокъу бзылъ­фы­гъэ­хэри, хъулъфы­гъэ­хэри хэлажьэх.

Бзылъфыгъэхэр команди 7 мэхъух. Апэрэ чIыпIэм фэба­нэхэрэм ащыщых ПФР-р ыкIи МГТУ-р. БлэкIыгъэ зыгъэпсэфыгъо мафэм командэхэр зэIукIагъэх. МГТУ-м апэрэ едзыгъом 25:17-у текIоныгъэр къыщыдихыгъ. ПФР-м иешIакIохэу Елена Омельяновамрэ Екатерина Пяки­намрэ шъобжхэр къатещагъэхэу зэнэкъокъум яшъыпкъэу хэлэ­жьэн­хэ амылъэкIэу чIыпIэ ифагъэх. ПФР-м итренерэу Къулэ Ас­­кэр­бый зэхъокIыныгъэхэр коман­дэм фишIыгъэх, ешIакIохэм язэгуры­Iоныгъэ хагъэхъонымкIэ зэ­хэщэн Iофыгъохэр ыгъэцэкIагъэх.

КъыкIэлъыкIогъэ едзыгъохэр зэраухыгъэхэр: 25:16, 25:22-рэ, 25:23-рэ. Пчъагъэр 3:1-у ПФР-м текIоныгъэр къыдихыгъ.

Спорт еджапIэу Джэнчэтэ СултIан ыцIэ зыхьырэм икоманди зэкIэ иешIэгъухэм текIоны­гъэр къащыдихыгъ. Тхьаумафэм спорт еджапIэмрэ ПФР-мрэ зэдешIэщтых, текIоныгъэр къыдэзыхырэр апэрэ чIыпIэм нахь пэблагъэ хъущт.

ПенсиехэмкIэ фондым икомандэ анахь дэгъоу ешIэ, тренерэу Къулэ Аскэрбый зэIукIэгъу пэпчъ ешIакIохэр дэгъоу фегъэхьазырых, — къытиIуагъ Мыекъуапэ иад­министрацие физкультурэмкIэ ыкIи спортымкIэ и Комитет ипащэу Дмитрий Щербаневым. — Зэнэкъокъум хэхьэрэ зэIукIэгъу­хэр гъэшIэгъонэу макIох, цIыфыбэ яплъы.

Хъулъфыгъэхэм язэнэкъокъу «АГУ-Мары», «Мыекъуапэ», «Мые­къуапэ-Нарт» нахь къыщыхэщых. Зэнэкъокъур мэзаем икIэух ма­фэхэм зэфашIыжьыщт. Аужырэ мафэхэм анэс хагъэунэфыкIырэ чIыпIэхэм командэхэр афэбэ­нэщтых. Сурэтым итыр: ПФР-м икоманд.