Мыекъуапэ щэкIо
«Динамо-МГТУ» Мыекъуапэ — «Элвари-Сахалин» Къыблэ-Сахалинск — 3:2. Республикэ спорт Унэшхоу «Ошъутенэм» щызэдешIагъэх.
Адыгеим иешIакIохэм зэIукIэгъур дэгъоу аублагъ. Пчъагъэр 2:0-у ешIэгъур къахьыщтыгъ, ау едзыгъуитIур «Элвари-Сахалиным» ыхьыгъ. Я 5-рэ едзыгъом «Динамо-МГТУ-м» текIоныгъэр къыщыдихыгъ.
Тыгъуасэ командэхэр ятIонэрэу Мыекъуапэ щызэдешIагъэх.
Щылэ мазэм и 30 — 31-м «Динамо-МГТУ-р» «Зоркий» Красногорск Мыекъуапэ щыIукIэщт. Мэзаем и 2 — 3-м «Волжанин» Кострома тикъалэ щешIэщт.
— Я 7-рэ чIыпIэм «ДинамоМГТУ-р» щыI, — къытиIуагъ тренер шъхьаIэу, Адыгэ Республикэм изаслуженнэ тренерэу Павел Зборовскэм. — Урысыем волейболымкIэ иапшъэрэ купэу «Б-м» щыкIорэ зэнэкъокъум тыхэлажьэ. ЕшIэгъухэм яплъы зышIоигъохэр спорт Унэшхоу «Ошъутенэм» къетэгъэблагъэх.