Урысыем иныбжьыкIэхэм самбэмкIэ язэнэкъокъу Екатеринбург щыкIуагъ. Илъэс 16 – 18 зыныбжь кIалэхэр, пшъашъэхэр алырэгъум щыбэнагъэх.

Къыблэм ихэшыпыкIыгъэ командэ хэтхэу Адыгеим илIыкIохэр зэIукIэгъу­хэм ахэлэжьагъэх. Тиреспубликэ щыщ­хэм медалищ Екатеринбург къыщыдахыгъ. АР-м самбэмкIэ иеджапIэ зыщызыгъэсэрэ Гъомлэшк Анзор, кг 48-рэ, тыжьыныр къыфагъэшъошагъ.

Гъомлэшк Анзор Адыгэ къэралыгъо университетым и МГГТК щеджэ, тренерхэу А. Делэкъомрэ А. Гъомлэшкымрэ ипащэх. Европэм иныбжьыкIэхэм якIэух зэнэкъокъоу мэлылъфэгъу мазэм Болгарием щыкIощтым Гъомлэшк Анзор хэлэжьэщт.

Анна Лодневамрэ, кг 65-рэ, Екатерина Соловьевамрэ, кг 75-м къехъу, джэрзыр къахьыгъ. Тренерхэр А. Адзын, Б. Нэныжъ.

Урысыем и Къэралыгъо Думэ иде­путатэу, дунаим самбэмкIэ гъогогъу 11 дышъэр къыщыдэзыхыгъэ Хьасанэкъо Мурат Екатеринбург щыкIогъэ зэнэ­къокъум еплъыгъ. Тренерхэм, бэнакIохэм дунаим ибатыр аIукIагъ, гущыIэгъу афэхъугъ.

Сурэтым итхэр: Делэкъо Адам, Гъом­лэшк Анзор, Хьасанэкъо Мурат, Гъом­лэшк Алый.