Адыгэ Республикэм дзюдомкIэ испорт еджапIэу Кобл Якъубэ ыцIэ зыхьырэм илъэс 23-м нэс зы­ныбжь хъулъфыгъэхэр щызэнэкъокъугъэх.

Спорт еджапIэм ипащэу, ­Адыгэ Республикэм дзюдомкIэ ихэшыпыкIыгъэ командэ итренер шъхьаIэу Бастэ Сэлымэ зэрилъытэрэмкIэ, дзюдомкIэ рес­публикэм иныбжьыкIэхэу зэбэныгъэхэм хэпшIыкIэу яIэпэIэсэныгъэ хагъахъо. Спортыр зышIогъэшIэгъонхэр бэ хъухэу зэIукIэгъухэм яплъыгъэх, алырэгъум щыбанэхэрэм Iэгу афытеуагъэх.

Яонтэгъугъэхэм ялъытыгъэу апэрэ чIыпIэхэр къыдэзыхы­гъэхэм ацIэхэр къетэIох. Юрий Балоян, кг 60, Лъэцэр Дамир, кг 66-рэ, Виталий Рудиков, кг 73-рэ, Ордэн Заур, кг 81-рэ, Дат­хъужъ Алый, кг 90-рэ, Тхьа­кIущынэ Ахьмэд, кг 100, Мэрэтыкъо Альберт, кг 100-м къехъу.

Къыблэм дзюдомкIэ изэнэкъо­къу мэзаем и 7 — 8-м Адыгэ къэралыгъо университетым физкультурэмрэ дзюдомрэкIэ и Институт щыкIощт, илъэс 23-м зыныбжь къемыхъугъэхэр зэбэныщтых. Республикэм изэнэкъокъу хагъэунэфыкIырэ чIыпIэхэр къыщыдэзыхыгъэхэр Къыблэм изэ­IукIэгъухэм ахэлэжьэщтых.

Сурэтым итхэр: хагъэунэфыкIы­рэ чIыпIэхэр къыдэзыхыгъэхэр.