Виктория Калининар хэлажьэ
Дунаим гандболымкIэ изэнэкъокъу Японием щэкIо. Урысыем ихэшыпыкIыгъэ бзылъфыгъэ командэ зэIукIэгъухэм ахэлажьэ. 
ТихэшыпыкIыгъэ командэ ешIэгъуи 8 иIагъ, зэкIэми текIоныгъэр къащыдихыгъ. Финалныкъом Нидерландхэм яхэшыпыкIыгъэ командэ щыIукIэщтых.
Анна Вяхиревар, Анна Сень, нэмыкIхэри дэгъоу ешIэх. КъэлэпчъэIутхэу Анна Седойкинар, Виктория Калининар, фэшъхьафхэри яIэпэIэсэныгъэкIэ къахэщых. Виктория Калининар Мыекъуапэ щапIугъ, Евгений Поповыр иапэрэ тренер. Урысыем ихэшыпыкIыгъэ командэ хэтэу В. Калининам Олимпиадэ джэгунхэм дышъэр къащыдихыгъ. Типшъашъэхэм Японием апэрэ чIыпIэр къызыщыдахыкIэ, 2020-рэ илъэсым Олимпиадэ джэгунхэу Токио щыкIощтхэм ахэлэжьэнхэу фитыныгъэ яIэ хъущт. Фэшъхьаф командэхэм пэшIорыгъэшъ зэIукIэгъухэм защаушэтын фае.
Урысыем ихэшыпыкIыгъэ командэ Нидерландхэм япшъашъэхэм непэ адешIэщт.