Лъэпкъхэм якультурэ фэгъэхьыгъагъ
Агуй-Шапсыгъэ лъэпкъ культурэм и Гупчэу дэтым Краснодар краим щызэхащэгъэгъэ семинарыр щыкIуагъ. Ащ къыщаIэтыгъэхэ Iофыгъохэр лъэпкъ зэфэшъхьафхэм якультурэ, яшэн-хабзэхэр ыкIи язекIокIэ- шIыкIэхэр зэрэзэпэблагъэхэм афэгъэхьыгъагъэх.
Джащ фэдэу краим щызэхэщагъэхэ лъэпкъ культурнэ-общественнэ объединениехэм Iоф зэрэзэдашIэрэм, зэрэзэфыщытхэм атегущыIагъэх.
Семинарым хэлэжьагъэхэр этнографическэ комплексэу «Нартым», краеведческэ тарихъ-этнографическэ музееу «Адыгэмэ яун» зыфиIорэм ащагъэх. Нэужым Агуй-Шапсыгъэ щызэхэщэгъэ творческэ купхэм якъэгъэлъэгъонхэм арагъэплъыгъэх.
Ныбэ Анзор.