Шъолъырхэм каратэ-домкIэ (шотокан) язэнэ­къокъу Адыгэ къэралыгъо университетым физ­культу­рэм­рэ дзюдомрэкIэ и Институт щызэ­хащагъ.

Краснодар, Ставрополь край­хэм, Адыгеим яныбжьыкIэхэр зэнэкъокъугъэх.

«Тщымыгъупшэным фэшI» зы­фиIорэ зэнэкъокъур Чэчэным щыкIогъэ заом лIыгъэ щы­зезы­хьэгъэ Алексей Салама­тиным, нэмыкIхэу чIыпIэ «плъыр­хэм» щыфэхыгъэхэм афэгъэ­хьыгъ. А. Саламатиныр Мые­къуапэ игурыт еджапIэу N 5-м щеджагъ, дзэкIолIым имыжъобгъу еджапIэм къыщызэIуахыгъ.

НыбжьыкIэхэм шотоканымкIэ яIэпэIэсэныгъэ къагъэлъэ­гъуагъ, нэбгыри 100-м ехъумэ хагъэунэфыкIырэ чIыпIэхэр къыдахыгъэх.

Зэнэкъокъум исудья шъхьаIэу Владимир Васильченкэм, зэ­хэщакIохэм ащыщхэу Александр Леваковым, Виктор Марковым, Хьаткъо Ахьмэд, нэмыкIхэм къы­таIуагъ шIэжь яIэу ныбжьыкIэхэр пIугъэнхэмкIэ ащ фэдэ зэнэ­къокъухэм ямэхьанэ зыкъызэри­Iэтырэр. Республикэ ДОСААФ-р, спорт клубэу «Вертикалыр», нэ­мыкIхэри нэрылъэгъу IэпыIэгъухэм якъэгъэлъэгъон чанэу хэ­лэжьагъэх.

Сурэтыр зэнэкъокъум къыщытетхыгъ.