К. Бердыевыр «Шъачэ» рагъэблагъэ
Хэгъэгум футболымкIэ изэнэкъокъу хэлэжьэрэ командэхэу апшъэрэ купым хэтхэм я 17-рэ ешIэгъухэр яIагъэх.
ЗэIукIэгъухэр
«Тамбов» — «Локомотив» — 2:3, «Оренбург» — «Ахмат» — 1:2, «Рубин» — «Зенит» — 1:2, «Динамо» — «Ростов» — 2:1, «Уфа» — «Шъачэ» — 1:1, «Урал» — «Спартак» — 0:0, «Арсенал» — «Краснодар» — 1:2, ЦСКА – «Крылья Советов» — 1:0.
Апэ ишъыгъэ командэхэр зэнэкъокъум щылъэкIуатэх. «Зенит» изакъоп дышъэм фэбанэрэр. «Краснодар» иешIэкIо анахь дэгъухэм ащыщхэу Юрий Газинскэм, Виктор Классон, нэмыкIхэм яшъобжхэр агъэхъужьых, зэнэкъокъухэм ахэлэжьэщтых. Арышъ, дышъэр е тыжьыныр зыхьыщтыр къэшIэгъуае. Ауж къинэхэрэ «Шъачэм», «Тамбовым», «Ахматым», фэшъхьафхэм ятренер шъхьаIэхэр зэблахъугъэх. Командэхэр мэгугъэх, апшъэрэ купым къыхэнэжьынхэу фаех, арэу щытми, команди 2 къыхагъэкIыщт.
«Шъачэ» итренер шъхьаIэу агъэнэфэщтым пэшIорыгъэшъэу ыцIэ къыраIуагъ. ЗэлъашIэрэ Курбан Бердыевыр ары къыхахыгъэр. Уахътэм къыгъэлъэгъощт зэхъокIыныгъэхэм шIуагъэ къахьыщтмэ.
ЧIыпIэхэр
Я 17-рэ ешIэгъухэм ауж командэхэр чIыпIэу зыдэщытхэм, очко пчъагъэу яIэм шъуащытэгъэгъуазэ.
1. «Зенит» — 39 2. «Локомотив» — 34 3. ЦСКА – 33 4. «Краснодар» — 33 5. «Ростов» — 30 6. «Спартак» — 22 7. «Динамо» — 21 8. «Урал» — 20 9. «Арсенал» — 19 10. «Оренбург» — 19 11. «Уфа» — 19 12. «Крылья Советов» — 18 13. «Ахмат» — 18 14. «Рубин» — 17 15. «Тамбов» — 17 16. «Шъачэ» — 14 Я 18-рэ ешIэгъухэр 30.11 «Крылья Советов» — «Уфа» «Ростов» — «Урал» «Ахмат» — «Рубин» 01.12 «Шъачэ» — «Оренбург» «Локомотив» — «Динамо» «Зенит» — «Спартак» 02.12 «Краснодар» — «Тамбов» ЦСКА – «Арсенал».