«Интер» Щэрджэскъал – «Зэкъошныгъ» Мыекъуапэ – 0:1. ШэкIогъум и 17-м Щэрджэскъалэ щызэдешIагъэх. «Зэкъошныгъ»: Ковалев, Ахмедханов, Кадимов, Омаров, Юрченко, Къонэ, Ещенко, Белов, Арзуманян (Ширали, 85), Мамонов (Крылов, 80), Бабенко (Делэкъу, 70). Къэлапчъэм Iэгуаор дэзыдзагъэр: Арзуманян – 69.

Мыекъопэ «Зэкъошныгъэм» икъэлапчъэ къыухъумэзэ, ошIэ-дэмышIэу ыпэкIэ илъыным фэшI амалышIухэр къыгъотыщтыгъэх. Ащ дакIоу тиешIакIохэр «Интерым» икъэлапчъэ екIущтыгъэх, ухъумакIохэр чIыпIэ къин радзэщтыгъэх.

А. Мамоновым, А. Къонэм, С. Бабенкэм, Р. Ахмедхановым, фэшъхьафхэм зэхэщэн Iофыгъо­хэр агъэцакIэщтыгъэх, апэкIэ илъыщтыгъэх.

ТиешIакIохэр «Интерым» икъэ­лапчъэ екIугъэхэу А. Арзуманян Iэгуаор къызыратым, псынкIэу хэкIыпIэ къыгъотыгъ. Альберт ухъумакIом ыпэ ишъи, хъагъэм Iэгуаор ридзагъ.

— ТекIоныгъэм икъыдэхын «Зэкъошныгъэр» ишъыпкъэу фэбэнагъ, пчъагъэм хигъэхъонэу шIыкIэшIухэм алъыхъущтыгъ. Я 4-рэ чIыпIэм тыщыIэу хэгъэгум изэнэкъокъу зэпыугъо фэхъущт. 2020-рэ илъэсым гъэтхэпэ ма­- зэм и 14-м ешIэныр аублэжьыщт, «Спартак» Владикавказ Мые­къуапэ тыщыIукIэщт, — къыти­Iуагъ «Зэкъошныгъэм» итренер шъхьаIэу, Адыгэ Республикэм изаслуженнэ тренерэу Ешыгоо Сэфэрбый.

Я 18-рэ ешIэгъухэр

«Краснодар-3» — «Спартак» Нч – 0:1, «Спартак» Вл – «Анжи» — 1:0, «Динамо» — «Урожай» — 1:2, «Махачкала» — «Биолог» — 2:1, «Волгарь» — «Легион» — 1:1. 2019 – 2020-рэ илъэс ешIэ­гъум иапэрэ едзыгъо купэу «Къыблэм» щаухыгъ.

ЧIыпIэхэр

1. «Волгарь» — 47 2. «Алания» — 43 3. «Черноморец» — 33 4. «Зэкъошныгъ» — 31 5. «Динамо» — 27 6. СКА – 25 7. «Махачкала» — 25 8. «Мэщыкъу» — 24 9. «Легион» — 24 10. «Биолог» — 23 11. «Интер» — 19 12. «Спартак» Нч – 19 13. «Краснодар-3» — 18 14. «Урожай» — 17 15. «Анжи» — 12 16. «Спартак» Вл – 8.

2020-рэ илъэсым гъэтхапэм и 14-м «Зэкъошныгъэр» «Спартак» Владикавказ Мыекъуапэ щыIу­кIэщт.