Мыекъопэ футбол клубэу «Зэкъошныгъэм» 1969-рэ илъэсым РСФСР-м изэнэкъокъу апэрэ чIы­пIэр къызэрэщыдихыгъэм фэгъэхьыгъэ зэхахьэ стадионым щыкIуагъ, ешIакIохэм мыжъобгъу къа­фы­зэIуахыгъ.

ЛIышъхьэу КъумпIыл Мурат ыцIэкIэ шIэжь зэхахьэм хэла­жьэхэрэм къафэгушIуагъ Адыгэ Республикэм и Парламент и Тхьаматэу Владимир Нарожнэр. ЛIэужхэм язэпхыныгъэ гъэпытэгъэнымкIэ, ныбжьыкIэхэм пIу­ныгъэ дэгъу яIэу нахьыжъхэм яшIушIагъэ лъагъэкIотэнымкIэ шIэжь Iофтхьабзэм имэхьанэ къыхигъэщыгъ.

Илъэс 50-кIэ узэкIэIэбэжьмэ «Зэкъошныгъэм» щешIэщтыгъэхэ Павел Иваненкэр, Александр Щербак, нэмыкI­хэри зэхахьэм къыщыгу-щы­Iагъэх. «Зэкъошныгъэм» РСФСР-м дышъэр къызыщыдехым тренер шъхьаIэу иIагъэр Георгий Безбогиныр ары. Ащ ипхъорэлъфэу Герман стадионым щыкIогъэ зэхахьэм къыщыгущыIагъ, зэхэщакIохэм «тхьашъуе­гъэпсэу» къариIожьыгъ.

Республикэм футболымкIэ и Федерацие ипащэу Николай Паходенкэр, Адыгеим ифутбол командэ илъэсыбэ хъугъэу лъыплъэхэрэр, спортым иветеранхэр мыжъо­бгъум дэжь гущыIэгъу щызэфэхъугъэх. Сергей Двойниковым, Къулэ Аскэрбый, Шъыжь Хьамедэ, Пэнэшъу Мыхьамодэ, Николай Походенкэм, фэшъхьафхэм шIэжь къэбархэр къаIотагъэх.

Мыжъобгъур дахэу гъэпсыгъэ. РСФСР-м апэрэ чIыпIэр къыщыдэзыхыгъэ командэм хэтыгъэхэм ясурэт дэгъоу къэлъагъо, ешIа­кIохэм алъэкъуацIэхэр тетхагъэх.