КъокIыпIэм щыпсэурэ лъэпкъхэм яискусствэкIэ Къэралыгъо музееу Мыекъуапэ дэтым «Ис­кусст­вэм зэфещэх» зыфиIорэ пчыхьэзэхахьэр игъэкIотыгъэу щыкIуагъ.

Музеим ипащэу Кушъу Нэфсэт Iофтхьабзэу «Искусствэм ичэщ» илъэсибл хъугъэу хэгъэгум зэрэщызэхащэрэм къытегущыIагъ. Ирак искульптор цIэрыIоу Магоммед Гани Хикмет иIэпэIэсэныгъэ ехьылIэгъэ къэбархэр Адыгэ къэ­ралыгъо университетым ис­кус­ствэ­хэмкIэ и Институт имас­терэу Ма­хоммед Аль-Джазареи, искусствоведениемкIэ докторэу, профессо­рэу Алла Соколовам ­къаIотагъэх.

ИскусствэхэмкIэ институтым щеджэрэ Ягмыр Гаррыевыр Тур­к­­мением щыщ. Лъэпкъ музыкальнэ Iэмэ-псымэхэмкIэ орэдышъо­хэр студентым ыгъэжъынчыгъэх. Цышэ Зарет адыгэ зэ­чырхэр къыIуагъэх. Я. Гаррылевыр къыдежъыугъ.

Сетэ Сафыет иIэпэIэсэныгъэ зэхахьэм къыщигъэлъэгъуагъ. КIэ­лэцIыкIухэм, искусствэр зышIогъэшIэгъонхэ ны-тыхэм хэдыкIынхэм, фэшъхьафхэм яхьылIэгъэ шIэжь Iофыгъохэм ащигъэгъозагъэх. ЗэлъашIэрэ сурэтышI-мо­дельерэу СтIашъу Юрэ адыгэ шъуашэу, лъэпкъ тхыпхъэу ышIыгъэр макIэп, Урысыем ишъо­лъырхэм, IэкIыб къэралыгъохэм къарыкIыгъэхэр къэгъэлъэгъонхэм ягуапэу яплъыгъэх. Адыгэ шъуа­шэм лъэпкъым инамыс къы­зэриухъумэрэм Ю. СтIашъум изэгъэпшэнхэр афэгъэхьыгъагъэх.

Музеим икъэгъэлъэгъонхэм цIыфхэр ашIогъэшIэгъонэу яплъы­гъэх.