«Махачкала» Махачкала – «Зэкъошныгъ» Мыекъуапэ – 1:1. ШэкIогъум и 3-м Махачкала щызэдешIагъэх. «Зэкъошныгъ»: Гиголаев (Ковалев, 80), Кирьян, Омаров, Катаев, Хьагъур (Юрченко, 65), Къонэ, Ещенко, Белов, Ахмедханов, Крылов (Бабенко, 60), Кадимов (Дыхъу, 82). «Зэкъошныгъэм» хэтэу къэлапчъэм Iэгуаор дэзыдзагъэр: Бабенко – 70.

Я 50-рэ такъикъым «Махачкалар» ыпэкIэ къилъи, «Зэкъошныгъэм» икъэлапчъэ  Iэгуаор къыдидзагъ. Тикомандэ нахь шъуамбгъоу ешIэу зеублэм, «Махачкалам» «ипытапIэхэр» нахь махэ хъугъэх. Ахмедхановым ухъумакIохэр ыгъэплъэхъухи, Бабенкэм Iэгуаор ритыгъ, ыужырэр псынкIэу къэлапчъэм дэонэу игъо ифагъ, 1:1 пчъагъэр хъугъэ.

Я 80-рэ такъикъым пенальтир тикъэлэпчъэIутэу Давид Гиголаевым къызэкIидзэжьыгъ, ау ыIэ зэригъэузыгъэм къыхэкIэу ешIапIэм щызэблахъугъ. Р. Ковалевыр къэлапчъэм зыIоуцом, къэнэ­жьыгъэ уахътэм цыхьэшIэгъоу ешIагъ.

— «Зэкъошныгъэр» ауж къи­нэхэрэм ахэтыжьэп, апэ ишъыщт команди 5-мэ ащыщэу зэнэкъо­къур ыухыщт, — къытиIуагъ тренер шъхьаIэу, Адыгеим изаслуженнэ тренерэу Ешыгоо Сэфэрбый.

Я 16-рэ ешIэгъухэр

«Алания» — «Спартак» Нч – 8:0, «Черноморец» — «Легион» — 1:0, «Волгарь» — «Биолог» — 4:0, «Мэщыкъу» — «Урожай» — 3:0, «Динамо» — «Спартак» Вл – 5:0, «Краснодар-3» — СКА – 0:3.

1. «Волгарь» — 42 2. «Алания» — 37 3. «Черноморец» — 30 4. «Динамо» — 27 5. «Зэкъошныгъ» — 25 6. СКА – 24 7. «Мэщыкъу» — 23 8. «Махачкала» — 22 9. «Биолог» — 20 10. «Легион» — 20 11. «Краснодар-3» — 18 12. «Интер» — 16 13. «Спартак» Нч — 16 14. «Урожай» — 11 15. «Анжи» — 6 16. «Спартак» Вл — 5.

Я 17-рэ зэIукIэгъухэр шэкIо­гъум и 11-м купэу «Къыблэм» щыкIощтых. «Зэкъошныгъэр» Ставрополь икомандэу «Динамэм» Мыекъуапэ щыдешIэщт. Зэнэкъокъур мафэм сыхьатыр 4-м аублэщт.