«Динамо-МГТУ» Мыекъуапэ — «Динамо» Магнитогорск — 65:85 (16:26, 13:21, 19:21, 17:17). Чъэпыогъум и 26-м республикэ спорт Унэшхоу «Ошъутенэм» щызэдешIагъэх.

Зезыщагъэхэр: И. Куксов, Н. Чухлебов — Ростов-на-Дону, А. Андреев — Пятигорск. «Динамо-МГТУ»: Александров — 10, Гапошин — 2, Абызов — 8, Еремин — 14, Кочнев — 17, Фещенко — 3, Хьа­къун — 3, Суслов — 2, Милютин — 3, Майборода — 3. Челябинскэ хэкум къикIыгъэ «Динамэр» текIоныгъэм икъыдэхын нахь фэхьазырыгъ. Очкоуи 3 дзыгъохэр В. Евстафьевым дэ-гъоу ыгъэцэкIагъэх, гъогогъуи 5 хъагъэм Iэгуаор ригъэфагъ. А. Матвеевым очко 16, Ю. Трубиным 14 командэм къыфахьыгъ. Адыгеим иешIакIохэм зэхэщэн Iофыгъохэр къяхьылъэкIыгъэх.

ЯтIонэрэ зэIукIэгъур

«Динамо-МГТУ» — «Динамо» — 81:68 (18:20, 22:19, 20:13, 21:16). «Ди­намо МГТУ»: Фещенко — 13, Га­пошин — 9, Абызов — 6, Еремин — 14, Кочнев — 22, Хьакъун — 2, Александров — 9, Милютин — 6, Майбо­рода.

Апэрэ едзыгъуитIум ешIэгъур зыхьыщтыр къэшIэгъуаеу щытыгъ. Ящэнэрэ пычыгъом «Динамо-МГТУ-м» ухъумэн Iофыгъохэр дэгъоу ыгъэцэкIагъэх. Очкоуи 3 дзыгъохэр Магнитогорскэ иешIакIохэм нахь къадэхъущтыгъэ, гъогогъуи 8 хъагъэм Iэгуаор ра-дзагъ, «Динамо-МГТУ-м» 4 ныIэп. Мыекъуа­пэ иешIакIохэр нахь псынкIэу гупшысэщтыгъэх, очкоуи 2 дзыгъохэр агъэцэкIэнхэмкIэ шIыкIэшIухэр къагъотыщтыгъэх. Юрий Кочневым тазыр дзыгъуи 10 зегъэцакIэм, зэ-кIэри хъагъэм ригъэфагъ.

«Динамо-МГТУ-м» итренер шъхьаIэу, Адыгэ Республикэм изаслуженнэ тренерэу Андрей Синельниковым пресс-зэIукIэм къы­щытиIуагъ зэнэкъокъум апэрэ чIыпIэр къыщыдэхыгъэным Магнитогорскэ иешIакIохэр зэрэфэбанэхэрэр. Командэ лъэшым «Динамо-МГТУ-р» текIоным фэшI бэрэ ыпэкIэ илъын ылъэкIыгъ. Хъагъэм Iэгуаор изыдзэ­хэрэм хэкIыпIэшIухэр къагъотыгъэх.

ШэкIогъум и 2 — 3-м «Динамо-МГТУ-р» Щэрджэскъалэ щыIукIэщт «Эльбрусым».