Хэгъэгум футболымкIэ иапшъэрэ куп икомандэхэм я 14-рэ зэIукIэгъухэр яIагъэх.

КIэуххэр «Рубин» — «Урал» — 0:0, «Тамбов» — «Уфа» — 3:0, «Ахмат» — «Арсенал» — 1:1, «Ростов» — «Шъачэ» — 2:0, «Крылья Советов» — «Зенит» — 0:2, ЦСКА — «Динамо» — 0:1, «Локомотив» — «Спартак» — 0:3, «Краснодар»— «Оренбург» — 1:1.

«Спартак» итренер шъхьаIэу Доменико Тедеско къызэриIуа­гъэу, иIэнатIэ зыIухьагъэр мэфэ заулэ хъугъэу текIоныгъэр къыдихыгъ. «Локомотивым» ешIэгъур къышIопхьыныр псынкIагъоп. «Ди­намэр» ауж къинэхэрэм ащыщ нахь мышIэми, ЦСКА-м текIуагъ. Зичэзыу зэIукIэгъухэм къагъэ­лъэгъощт «Спартаки» «Динамэми» лъэкIэу яIэр.

«Краснодар» «Оренбургым» дэгъоу дешIагъ, ау къэлапчъэм Iэгуаор дидзэн зэримылъэкIы-гъэр гухэкI. Классен, Газинскэр, нэмыкI ешIакIохэу шъобж къызытыращагъэхэр «Краснодар» иешIэгъухэм ахэлажьэхэ зыхъукIэ, командэм игъэхъагъэхэм ахигъэхъонэу тэгугъэ. «Шъачэм» опыт зиIэу хэтыр бэ, ау иешIакIэ къыгъотын ылъэкIырэп. «Зенит» лъэкIуатэми, ащ ыуж итхэр кIэ­хьажьынхэу амалхэр яIэх.

Зэтэгъапшэх

Я 14-рэ ешIэгъухэм ауж коман­дэхэр чIыпIэу зыдэщытхэр, очко пчъагъэу яIэр зэтэгъа­пшэх.

1. «Зенит» — 32 2. «Ростов» — 29 3. «Локомотив» — 29 4. «Краснодар» — 28 5. ЦСКА – 26 6. «Урал» — 18 7. «Спартак» — 18 8. «Кр.Советов» — 17 9. «Рубин» — 16 10. «Арсенал» — 16 11. «Уфа» — 16 12. «Оренбург» — 15 13. «Динамо» — 14 14. «Шъачэ» — 13 15. «Ахмат» — 13 16. «Тамбов» — 11. Я 15-рэ

зэIукIэгъухэр

02.11 «Динамо» — «Ахмат» «Уфа» — «Локомотив» «Шъачэ» — «Тамбов» «Зенит» — ЦСКА 03.11 «Краснодар» — «Ростов» 04.11 «Урал» — «Оренбург» «Крылья Советов» — «Губин» «Спартак» — «Арсенал» Я 16-рэ ешIэгъухэр шэкIогъум и 8 — 10-м яIэщтых.