Адыгэ Республикэм футболымкIэ и Кубок къыдэхыгъэным фэгъэхьыгъэ кIэух ешIэгъур Мыекъуапэ щыкIуагъ.

Республикэ стадионэу «Юнос­тым» щызэдешIагъэх «Урожай» Тульский ыкIи «Асбир» Адыгэ­къал. Пчъагъэр 5:2-у «Урожаим» текIоныгъэр къы­ди­хыгъ.

Къэлапчъэм Iэгуаор дэзыдза­гъэ­хэр: Р. Такълый — гъого­гъуитIо, В. Яковлев, А. Юсуфов, В. Сухо­терин — «Урожай», А. Мы­гу, Р. Уджыхъу — «Асбир».Кубокым икъыдэхын команди 8 фэбэнагъ. «Урожаир» респуб­ли­кэм икомандэ анахь лъэшэу зэ­рэщытыр къыгъэшъыпкъэжьыгъ. Тульскэм иешIакIохэм текIоны­гъэр къыдахыгъ.

Адыгэ Республикэм футболымкIэ и Федерацие ипащэу Николай Походенкэр кIэух ешIэгъум щызэнэкъокъугъэхэм афэгушIуагъ, Кубокыр, щытхъу тхылъхэр, медальхэр, спорт Iэмэ-псымэхэр аритыжьыгъэх.

КIэух зэIукIэгъум исудья шъхьа­Iэу И. Холиным, ащ иIэпыIэгъу-хэу С. Новиковым, Д. Масловым зэхэщакIохэр афэразэх.

Адыгэ Республикэм изэнэ­къокъу «Урожаим» апэрэ чIыпIэр къыщыдихыгъ, республикэм и Кубоки фагъэшъошагъ.

КъэлэпчъэIутэу А. Саяпиным, ешIакIохэу ТI. ХъуакIом, М. Мыкъом, В. Яковлевым, Р. Такъ­лыим, А. Филипповым, А. Юсуфо­вым, нэмыкIхэм къащытхъу­гъэх. Тренерхэр Александр Воль­вач, Алексей Филипповыр.

Мыекъуапэ футболымкIэ икIы­мэфэ зэIухыгъэ зэнэкъокъу коман­дэхэм зыфагъэхьазыры.

Сурэтым итхэр: «Урожаим» иешIакIохэр, зэхэщакIохэр.