«Зэкъошныгъ» Мыекъуапэ — «Волгарь» Астрахань — 0:2. Чъэпыогъум и 27-м Адыгэ республикэ стадионым щызэдешIагъэх. Зезыщагъэхэр: С. Смирнов – Кисловодск, Р. Валеев – Ростов-на-Дону, И. Танашев – Налщык.

«Зэкъошныгъ»: Гиголаев, Хьагъур, Катаев, Омаров, Кирьян, Крылов, Белов, Ахмедханов (Ширали, 72), Къонэ, Кадимов, Бабенко (Шъхьэлахъо, 90). Къэлапчъэм Iэгуаор дэзыдзагъэхэр: Мязин – 5, Павлишин – 69-рэ. Локтионов – пенальтир дидзагъэп, блэугъ – 24-рэ.

Зезыщагъэхэр: С. Смирнов — Кисловодск, Р. Валеев — Ростов-на-Дону, И. Танашев — Налщык. «Зэкъошныгъ»: Гиголаев, Хьагъур, Катаев, Омаров, Кирьян, Крылов, Белов, Ахмедханов (Ширали, 72), Къонэ, Кадимов, Бабенко (Шъхьэлахъо, 90).

Къэлапчъэм Iэгуаор дэзыдзагъэхэр: Мязин — 5, Павлишин — 69-рэ. Локтионов — пенальтир дидзагъэп, блэугъ — 24-рэ. ЕшIэгъум ия 5-рэ такъикъ «Волгарь» ыпэкIэ къызелъым, тикомандэ икъэлапчъэ ыпашъхьэ ухъумакIоу щытыгъэр макIэп. А. Мязиныр лъэшэу Iэгуаом зеом, лъати, хъагъэм ошIэ-дэмышIэу ифагъ. «Зэкъошныгъэм» ешIапIэм ыбгъу­хэри ыгъэфедэхэзэ «Волгарь» икъэлапчъэ благъэу екIущтыгъ, къэлэпчъэIутэу Д. Саганович, ухъумакIохэр ыгъэгумэкIыщты­гъэх. А. Къонэр, Т. Кадимовыр, Р. Хьагъурыр, Р. Ахмедхановыр апэкIэ илъыщтыгъэх, ау Iэгуаор хъагъэм радзэнэу амал къагъотыщтыгъэп.

«Волгарь» ыпэкIэ къылъыкIотагъэу тиухъумакIохэм ащыщ Iэ­гуаор ыIэ къытефагъ. Пенальтир командэм икапитанэу Р. Лок­тионовым ыгъэцэкIагъ. Iэгуаом ар лъэшэу зеом, къэлапчъэм блэугъ. «Волгарь» иешIакIохэм зэгурыIоныгъэ зэрахэлъыр къэлъагъощтыгъ. Iэгуаор зэраты­жьызэ А. Павлишиныр изакъоу Д. Гиголаевым къекIуи, хъагъэм ридзагъ — 0:2.

ЗэкIэлъыкIоу гъогогъуи 3 Д. Гиголаевым Iэгуаор къызэкIидзэжьэу къыхэкIыгъ. ЦыхьэшIэгъоу ар емышIэщтыгъэмэ, анахь макIэмэ, гъогогъуи 5 — 6 «Волгарь» иешакIохэм тикомандэ икъэлапчъэ Iэгуаор къыдадзэн алъэкIыщтыгъэ.

Пресс-зэIукIэр

«Зэкъошныгъэм» итренер шъхьа­Iэу Ешыгоо Сэфэрбый ­къыIуагъ тиешIакIохэм ащыщхэм яшъобжхэр икъоу зэрамыгъэ­хъужьыгъэр. КъыкIэлъыкIощт зэIукIэгъухэм тикомандэ ишъыпкъэу зафигъэхьазырыщт. «Волгарь» зыдешIэм хэукъоныгъэу ашIыгъэхэр дэгъэзыжьыгъэнхэм пылъыщтых.

«Волгарь» итренер шъхьаIэу Виталий Пановым къызэриIуа­гъэм­кIэ, «Къыблэм» текIоныгъэр къы­щыдихыным, апэрэ купым хэ­­хьа­ным командэр фэбанэ. Р. Локтионовыр «Волгарь» икапитан, щысэшIу къыгъэлъагъозэ ешIэ. «Зэкъошныгъэм» итренер шъхьа­Iэу С. Ешыгуаор бэшIагъэу инэ­Iуас. Адыгеим икомандэ ифэ­шъуашэу апэ итхэм ащыщ. Мые­къуапэ истадион дахэ. «Волгарь» ешIэгъум дэгъоу зыфигъэ­хьазырыгъ, ешIэкIуи 5 зэIукIэ-гъум щызэблихъугъ. Командэр бэрэ ыпэкIэ елъы, къэлапчъэм Iэгуаор дидзэным фэшI шIыкIэшIухэм алъэхъу, ешIакIохэр псын­кIэу мэгупшысэх.

ЗэIукIэгъухэр

«Урожай» — «Краснодар-3» — 1:0, «Биолог» — «Черноморец» — 2:1, «Динамо» — «Анжи» — 2:0, «Интер» — «Махачкала» — 3:1, «Спартак» Вл — «Мэщыкъу» — 2:2, «Легион» — «Спартак» Нч — 1:0, СКА — «Алания» — 0:3.

ЧIыпIэхэр

Я 15-рэ ешIэгъухэм ауж коман­дэхэр чIыпIэу зыдэщытхэм, очко пчъагъэу яIэм шъуащытэгъэ­гъуазэ.

1. «Волгарь» — 40 2. «Алания» — 34 3. «Черноморец» — 27 4. «Зэкъошныгъ» — 24 5. «Динамо» — 24 6. «Махачкала» — 21 7. СКА — 21 8. «Мэщыкъу» — 20 9. «Биолог» — 20 10. «Легион» — 20 11. «Краснодар-3» — 18 12. «Спартак» Нч – 16 13. «Интер» — 16 14. «Анжи» — 12 15. «Урожай» — 11 16. «Спартак» Вл — 5.

ШэкIогъум и 3-м я 15-рэ зэ­IукIэгъухэр «Къыблэм» щыкIощтых. «Зэкъошныгъэр» къалэу Махачкала щыдешIэщт чIыпIэ командэу «Махачкала» зыфи­Iорэм. ­