Урысыем гандболымкIэ ишъолъыр зэнэкъокъу Мыекъуапэ щэкIо. Илъэс 15-м нэс зыныбжь пшъашъэхэр зэдешIэх. Краснодар, Ставрополь крайхэм, Ростов, Волгоград хэкухэм, Адыгеим якомандэхэр зэнэкъокъух. Мыекъуапэ ипшъашъэхэр Краснодар, Ростов якомандэхэм атекIуагъэх. Тренерэу Эльвира Ищенкэр япащэу Адыгеим ипшъашъэхэр хагъэунэфыкIхэрэ чIыпIэхэм афэбанэх.

Команди 8 зэнэкъокъум хэлажьэ. ПэшIорыгъэшъ зэIукIэгъухэм ауж анахь лъэшхэр зэдешIэщтых. Зэнэкъокъур чъэпыогъум и 29-м аухыщт.

Сурэтыр Адыгеим икомандэ иешIэгъухэм ащыщ къыщытетхыгъ.