«Нефтехимик» Тобольск — «Динамо-МГтУ» Мыекъуапэ — 73:101 (27:19, 9:28, 18:28, 19:26). «Динамо»: Александров — 18, Гапошин, Абызов — 14, Еремин — 19, Кочнев — 24, Фе­щен­ко — 11, Хьакъун — 7, Суслов — 2, Милютин — 6, Майборода.

Апэрэ едзыгъор «Нефтехимикым» ыхьыгъэми, Адыгэ Рес­публикэм иешIакIохэм хэкIы­пIэшIухэр къагъотыгъэх. Хъагъэм ­Iэгуаор «Динамэм» ридзэзэ, ухъумэн Iофы­гъохэри нахь дэ­гъоу ыгъэцэкIагъэх.

ЯтIонэрэ ешIэгъур

«Нефтехимик» — «Динамо» — 70:79 (19:23, 29:29, 13:16, 19:11). «Динамо» : Фещенко — 20, Гапошин — 8, Абызов — 13, Еремин — 22, Кочнев — 12, Хьакъун, Суслов, Александров, Милютин — 4, Майборода.

Мыекъопэ «Динамо-МГТУ-м» итренер шъхьаIэу, Адыгэ Рес­публикэм изаслуженнэ тренерэу Андрей Синельниковым изэфэ­хьысыжьхэм къащыхигъэщыгъ тиешIакIохэр зэдиштэхэу текIоныгъэм зэрэфэбэнагъэхэр.

Чъэпыогъум и 19-м ыкIи и 20-м кIуагъэхэ зэIукIэгъухэм «Динамэм» текIоныгъэр къа­зэра­щыдихыгъэм тигъэгушIуагъ, супер­лигэм ия 2-рэ куп щыкIорэ зэ­нэкъокъум гъэхъагъэ щишIын ылъэкIыщтэу тэлъытэ.

«Динамо-МГТУ-м» изичэзыу ешIэгъухэр Мыекъуапэ щыкIощтых. Спорт Унэшхоу «Ошъутенэм» чъэпыогъум и 26 — 27-м «Эльбрус» Щэрджэскъалэ щыIу­кIэщт. Илъэс зэнэкъокъум «Динамэм» ешIэгъуи 4 иIагъ, 3-р къыхьыгъ.