Урысыем спорт щэрыонымкIэ изэнэкъокъу Мыекъуапэ щыкIуагъ. Хэгъэгум ишъолъырхэм къарыкIыгъэхэм кIэрахъомкIэ, винтовкэмкIэ псагъэм тегъэфэгъэнымкIэ яIэпэIэсэныгъэ къагъэлъэгъуагъ.

Нэбгырэ 200-м нахьыбэ зэIу­кIэгъухэм ахэлэжьагъ. Метрэ 25-кIэ апэчыжьэ псагъэм кIэра­хъомкIэ тегъэфэгъэнымкIэ Адыгэ Республикэм испортсменхэм медалитIу къыдахыгъ.

СпортымкIэ мастерэу Ирина Серебрянскаям дышъэр къы­фагъэшъошагъ, спортымкIэ дунэе класс зиIэ мастерэу Александр Алифиренкэм тыжьыныр къыди­хыгъ.

Урысыем, Адыгеим язаслу­женнэ тренерэу Георгий Гуляйченкэм И. Серебрянскаяр егъасэ. Урысыем спортымкIэ иза­служеннэ мастерэу, Олимпиадэ джэгунхэм ячемпионэу Сергей Алифиренкэр Александр Алифиренкэм ипащ.

Адыгеим ихэшыпыкIыгъэ коман­дэхэм яIэпэIэсэныгъэ зыщыхагъэхъорэ спорт еджапIэм ипащэу Кобл Заидэ къытиIуагъ И. Серебрянскаямрэ А. Алифиренкэмрэ хэгъэгум ихэшыпыкIыгъэ командэ хэтхэу тапэкIи зэIу­кIэгъухэм зэрахэлэжьэщтхэр.

Сурэтым итыр: Ирина Сереб­рянскаяр.