ЯтIонэрэ купэу «Къыблэм» хэт футбол командэхэм чъэпыогъум и 19-м я 14-рэ зичэзыу зэIукIэгъухэр яIагъэх. Мыекъопэ «Зэкъошныгъэр» Краснодар щешIагъ.

ЗэIукIэгъухэр «Волгарь» — «Спартак» Вл — 3:1, «Махачкала» — «Динамо» — 2:0, «Алания» — «Биолог» — 3:1, «Краснодар-3» — «Зэкъошныгъ» — 4:2, «Мэщыкъу» — «Интер» — 0:0, «Черноморец» — «Урожай» — 4:0, «Спартак» Нч — СКА — 0:1.

Зэтэгъапшэх

Я 14-рэ ешIэгъухэм ауж командэхэр чIыпIэу зыдэщытхэр, очко пчъагъэу рагъэкъугъэр.

1. «Волгарь» — 37 2. «Алания» — 31 3. «Черноморец» — 27 4. «Зэкъошныгъ» — 24 5. «Динамо» — 21 6. СКА — 21 7. «Махачкала» — 21 8. «Мэщыкъу» — 19 9. «Краснодар-3» — 18 10. «Биолог» — 17 11. «Легион» — 17 12. «Спартак» Нч — 16 13. «Интер» — 13 14. «Анжи» — 12 15. «Урожай» — 8 16. «Спартак» Вл — 4.

«Волгарь», «Алания» — ахэр апэ ишъыгъэх, пшъэрылъ хэхыгъэхэр яIэх. «Аланиер» апэрэ купым, етIанэ апшъэрэ купым ахэхьажьын имурад. «Зэкъошныгъэр» я 3 – 5-рэ чIыпIэхэм афэбэнэн ылъэкIыщт. Къош Къэ­бэртэе-Бэлъкъарым икомандэу «Спартак» Налщык я 12-рэ чIыпIэм щыI. 2019 – 2020-рэ илъэс зэнэкъокъум текIоныгъэр гъогогъуи 3 ныIэп къызэрэщыдихы­гъэр. Имыфэшъошэ чIыпIэм «Спартак» щыIэу тэлъытэ. Щэрджэскъалэ икомандэу «Интерыр» мыгъэ купэу «Къыблэм» апэрэу щешIэ. Ауж къинэхэрэм «Интерыр» къа­хэкIыжьын фае. Республикэм футболыр къыщаIэтыжьынымкIэ командэм щысэшIу къыгъэлъэгъо­ныр ипшъэрылъ.

«Волгарь» дешIэщт

Чъэпыогъум и 27-м я 15-рэ ешIэгъухэр купэу «Къыблэм» щыкIощтых. «Зэкъошныгъэр» зэнэкъокъум апэрэ чIыпIэр щызыIыгъ командэу «Волгарь» Астрахань Адыгэ республикэ стадионым щыIукIэщт. ЕшIэгъур мафэм сыхьатыр 4-м Мыекъуапэ щырагъэжьэщт. Спортым пыщагъэхэр, «Зэкъошныгъэм» фэгумэкIыхэрэр, тхьаумафэм дэгъоу зызыгъэпсэфы зышIоигъохэр зэхэщакIохэм ешIэгъум еплъынхэу рагъэблагъэх. Стадионым сатыушIхэм Iоф ща­шIэщт, нэпэеплъ шIухьафтынхэр, гъомылапхъэхэр щащэщтых.

Шъукъеблагъэх стадионым, футболым шъуеплъ, «Зэкъошныгъэм» Iэгу шъуфытеу.