«Спартак» итренерхэр, уахътэр
Бащэрэ зэблахъух
Москва ифутбол клуб цIэрыIоу «Спартак» итренер шъхьаIэу Доменико Тедеско чъэпыогъум и 14-м агъэнэфагъ.
Доменико Тедеско Италием щыщ, Германием тренерэу Iоф щишIагъ. Аужырэ уахътэм «Шальке-04-м» итренер шъхьаIэу щытыгъ.
2003-рэ илъэсым ыкIи ащ ыпэкIэ Романцевыр «Спартак» итренер шъхьэIагъ. 2004-м Скола, 2005-м Старковыр, 2006-м Чернышовыр, 2007-м Черчесовыр «Спартак» ипэщагъэх. Карпиныр, Аленичевыр, Коррера, фэшъхьафхэри пащэу иIагъэх. Адыгэ- мэ ащыщэу Якин Мурати тренер шъхьаIэу «Спартак» иIагъ.
Командэр цIэрыIу, тарихъ гъэшIэгъон иI, ау тренер шъхьаIэхэр бащэрэ пащэхэм зэблахъухэзэ игъэхъагъэхэм ахигъэхъон ылъэкIырэп. Олег Кононовым мурад чыжьэхэр иIагъэх шъхьае, джырэблагъэ иIэнатIэ IуагъэкIыгъ. Доменико Тедеско бэрэ иIэнатIэ Iутыщта? 2021-м нэс Iоф ышIэнэу зэзэгъыныгъэ дашIыгъ. Уахътэм къыгъэлъэгъощт «Спартак» инеущрэ мафэ къырыкIощтыр.