Урысыем футболымкIэ иапшъэрэ куп хэт командэхэм я 12-рэ ешIэгъухэр чъэпыогъум и 5 — 6-м яIагъэх.

Зэтэгъапшэх «Уфа» — «Ахмат» — 0:1, «Оренбург» — «Динамо» — 2:0, «Рубин» — «Тамбов» — 2:1, «Шъачэ» — «Крылья Советов» — 0:2, «Урал» — «Зенит» — 1:3, «Локомотив» — «Арсенал» — 2:1, ЦСКА — «Ростов» — 1:3, «Краснодар» — «Спартак» — 2:1.

Апэ ишъынхэ зылъэкIыщтхэ командэхэр къахэщых. Ауж къи­нэнхэ зылъэкIыщтхэм япчъагъэ хэхъо. «Динамо» Москва Европэм и Кубок фэбэнэщтхэм ахэфэным зыфигъэхьазырыщтыгъ. Аугъоигъэ командэр дэеп, ау чIыпIэу зыдэщытым пащэхэр ыгъэразэхэрэп. Тренер шъхьаIэу Дмитрий Хохловыр иIэнатIэ IукIыжьыгъ. «Спартак» итренер шъхьаIэу щытыгъэ Олег Кононоври иIэнатIэ Iуты­жьэп. Тренер шъхьаIэу «Спартак» ыкIи «Динамэм» яIэщтхэр IэкIыб къэралыгъомэ къаращынхэ ямурад. «Ахматым» Игорь Шалимовыр тренер шъхьаIэ фа­шIыгъ. ЗэхъокIыныгъэхэм шIуагъэ къатыщтмэ ешIэгъухэм къагъэ­лъэгъощт.

«Краснодар» къэлапчъэм Iэ­гуаор анахьыбэрэ дидзагъ — 25-рэ. «Динамэм» — 8, «Ахмат» — 8, «Рубин» — 8. Ухъумэн Iофыгъохэри «Краснодар» на­хьышIоу ыгъэцакIэхэ зыхъукIэ, игъэхъагъэхэм ахэхъощт.

Я 12-рэ ешIэгъухэм ауж

1. «Краснодар» — 26 2. «Локомотив» — 26 3. «Ростов» — 26 4. «Зенит» — 26 5. ЦСКА — 25 6. «Уфа» — 15 7. «Арсенал» — 14 8. «Оренбург» — 14 9. «Урал» — 14 10. «Крылья Советов» — 14 11. «Рубин» — 14 12. «Спартак» — 14 13. «Шъачэ» — 12 14. «Ахмат» — 12 15. «Динамо» — 10 16. «Тамбов» — 8.

Я 13-рэ зэIукIэгъухэр 18.10 «Ахмат» — «Локомотив» 19.10 «Тамбов» — «Урал» «Спартак» — «Рубин» «Зенит» — «Ростов» 20.10 «Оренбург» — «Крылья Советов» «Уфа» — ЦСКА «Арсенал» — «Шъачэ» «Динамо» — «Краснодар»

Урысыем футболымкIэ ихэ­шыпыкIыгъэ командэ Европэм изэнэкъокъу хэхьэрэ пэшIоры­гъэшъ ешIэгъу неущ иIэщт, Шотландием дешIэщт.