ЧIыгу Залэм илIыхъужъхэм афэгъэхьыгъэу дзюдомкIэ шIэжь зэнэкъокъу Новороссийскэ щыкIуагъ.

Адыгэ Республикэм ибэнэкIо 40 зэIукIэгъухэм ахэлэжьагъ. Апэрэ чIыпIи 4, ятIонэрэу 5, ящэнэрэу чIыпIи 7 тиспортсменхэм къахьыгъэх.

Георгий Парфировым, кг 73-рэ, Датхъужъ Алый, кг 90-рэ, Дарья Ищенкэм, кг 52-рэ, Тулпэрэ Данэ, кг 78-м къехъу, апэрэ чIыпIэхэр къафагъэшъошагъэх.

ПашIо Алый, кг 66-рэ, Къуижъ Бислъан, кг 73-рэ, Ордэн Заур, кг 81-рэ, Надежда Лоцман, кг 63-рэ, КIэлэбый Рузанэ, кг 57-рэ, ятIонэрэ чIыпIэхэр къахьыгъэх.

Мухьамэд Липаридзе, кг 60, Лъэцэр Дамир, кг 66-рэ, Щыгъущэ Амир, кг 73-рэ, Джумбер Липаридзе, кг 81-рэ, Ингъуш Владимир, кг 90-рэ, Артинэ Фатимэ, кг 57-рэ, Мария Фроловам, кг 78-рэ, ящэнэрэ чIыпIэхэр къы­дахыгъэх.

Тренерхэу Роман Оробцовым, Беданыкъо Рэмэзан, Беданыкъо Байзэт, Хьакурынэ Дамир, Нэджыкъо Руслъан, Липаридзе Джон тибэнакIохэр агъасэх.

ЧIыгу Залэм лIыхъужъныгъэ щызезыхьэгъэ дзэкIолIхэр Новороссийскэ щагъэлъапIэх. Саугъэт­хэр афагъэуцугъэх, Хэгъэгу зэ­ошхом илъэхъан пыйхэм язэхэкъу­тэн пхъашэу хэлэжьагъэхэм афэ­гъэхьыгъэ зэхахьэхэр, спорт зэнэкъокъухэр къалэм щэкIох. ШIэжь яIэу ныбжьыкIэхэр пIугъэн­хэм фэшI еджапIэхэм зэIукIэгъу­хэр ащызэхащэх. Адыгеим испорт­сменхэм Новороссийскэ итарихъ зыщагъэгъозагъ, яIахьылхэу заом лIыхъужъныгъэ щызезыхьагъэхэм яхьылIэгъэ къэбархэр къызэфаIотагъэх.