Хэгъэгум футболымкIэ икомандэ анахь лъэшхэр апшъэрэ купым щызэнэкъокъух. Я 10-рэ ешIэ­гъухэм якIэуххэр зэтэгъап­шэх.

ЗэрешIагъэхэр

«Уфа» — «Спартак» — 1:0, «Ахмат» — «Крылья Советов» — 1:1, «Тамбов» — «Ростов» — 2:1, «Зенит» — «Рубин» — 5:0, «Оренбург» — «Локомотив» — 2:3, «Динамо» — «Шъачэ» — 2:3, «Арсенал» — «Урал» — 1:1, ЦСКА – «Краснодар» — 3:2. Ауж къинэрэ «Тамбовыр» апэ ит «Ростовым» зэрэтекIуагъэм, ыпэкIэ зэрэлъыкIуатэрэм къаушыхьатырэр зы — командэ пэпчъ ешIэкIэ дэгъу къыгъэлъэгъон елъэкIы.

«Динамэм» итренер шъхьаIэу Дмитрий Хохловым, ар Краснодар краим щыщ, иIэнатIэ IукIыжьынэу къытхыгъ, ау кIымафэр къэсыфэ джыри пэкIырыплъынхэу клубым ипащэхэм къыраIуагъ. «Ахматым» итренер шъхьаIэу Рашид Рахимовым инеущрэ мафэ къырыкIощтыр къэшIэгъуае. «Краснодар» зыIу­кIэщт командэхэм язакъоп зыгъэ­гу­мэкIырэр, судьяхэм япшъэрылъхэр зэрагъэцакIэхэрэм ыгъэрэхьатырэп. ЦСКА-м зыдешIэм а гумэкIыгъор джыри зэ къэнэфагъ. Арэу щытми, текIоныгъэр къыдэзыхы зышIоигъом къиныгъохэр къызэринэкIыхэу зыригъэсэн фае.

Зэтэгъапшэх

1. «Зенит» — 23 2. ЦСКА — 22 3. «Локомотив» — 20 4. «Краснодар» — 20 5. «Ростов» — 20 6. «Уфа» — 14 7. «Арсенал» — 14 8. «Урал» — 14 9. «Спартак» — 14 10. «Рубин» — 10 11. «Динамо» — 10 12. «Шъачэ» — 9 13. «Ахмат» — 9 14. «Крылья Советов» — 8 15. «Оренбург» — 8 16. «Тамбов» — 8.

Я 11-рэ зэIукIэгъухэр

28.09 «Кр. Советов» — «Тамбов» «Ростов» — «Динамо» «Локомотив» — «Зенит» 29.09 «Урал» — ЦСКА «Рубин» — «Уфа» «Спартак» — «Оренбург» «Краснодар» — «Арсенал» 30.09 «Шъачэ» — «Ахмат».

«Краснодар» ЦСКА-м Москва зыщыIокIэм 0:3-у шIуахьызэ, 2:3-у пчъагъэр хъугъэ. ЕшIэгъур кIэухым фэкIуагъэу «Краснодар» пчъагъэм хигъэхъонэу амалышIу­хэр иIагъэх. Джы «Арсеналым» сыдэущтэу дешIэщта? Локомотив» «Зенит» IукIэщт — ащи улъып­лъэнкIэ гъэшIэгъоны.