Расул Гамзатовым фэгъэхьыгъ
ЗэлъашIэрэ тхакIоу Расул Гамзатовым фэгъэхьыгъэ шIэжь зэнэкъокъу волейболымкIэ Махачкала щыкIуагъ.
Къалэхэу Грознэм, Краснодар, Кострома, Мыекъуапэ, Махачкала якомандэхэр зэдешIагъэх. Апэрэ чIыпIэр «Волжанин» Кострома къыдихыгъ. Мыекъуапэ икомандэу «Динамо-МГТУ-м» ятIонэрэ чIыпIэр къыфагъэшъошагъ. Махачкала иешIакIохэр ящэнэрэ хъугъэх.
«Динамо-МГТУ-м» хэтэу Николай Турсковыр ыпэкIэ анахь дэгъоу щешIагъэу зэхэщакIохэм къыхахыгъ, нэпэеплъ шIухьафтын къыфагъэшъошагъ. — 2019 – 2020-рэ илъэс ешIэгъур чъэпыогъум и 5-м Мыекъуапэ щедгъэжьэщт, — къытиIуагъ «Динамо-МГТУ-м» итренер шъхьаIэу, Адыгэ Республикэм изаслуженнэ тренерэу Павел Зборовскэм. – ТизэIукIэгъухэр спорт Унэшхоу «Ошъутенэм» щыкIощтых. Волейболыр зышIогъэшIэгъонхэр тиешIэгъухэм яплъынхэу къетэгъэблагъэх.