Кристина Новиковам тегъэгушIо
Урысыем иныбжьыкIэхэм кушъхьэфэчъэ спортымкIэ язэнэкъокъу Адыгэ Республикэм щэкIо.
Илъэс 15 – 16 зыныбжьхэ кIалэхэр, пшъашъэхэр апэрэ чIыпIэхэм афэбанэх. Адыгэ Республикэм щапIугъэ Кристина Новиковам километри 2-р зэкIэми анахь псынкIэу къыкIугъ, апэрэ чIыпIэр къыдихыгъ, тренерыр Дмитрий Конарев.
— Хэгъэгум ишъолъыр 20-м нахьыбэ зэнэкъокъум хэлажьэ, — къытиIуагъ Адыгэ Республикэм кушъхьэфэчъэ спортымкIэ и Федерацие ипащэу Анатолий Лелюк. — Командэхэри шъхьафэу зэнэкъокъух.