Хэгъэгум футболымкIэ иапшъэрэ куп хэт командэхэу 2019 — 2020-рэ илъэс зэнэкъокъум хэла­жьэхэрэм я 6-рэ ешIэгъухэр шышъхьэIум и 16 — 19-м яIагъэх.

ЗэIукIэгъухэр

«Оренбург» — «Шъачэ» — 1:1, «Урал» — «Крылья Советов» — 1:3, «Тамбов» — «Краснодар» — 0:2, «Зенит» — «Ахмат» — 0:0, «Рубин» — «Арсенал» — 1:0, «Уфа» — «Ростов» — 2:0, «Динамо» — «Локомотив» — 1:2, «Спартак» — ЦСКА — 2:1.

ЧIэнагъэ зымышIыгъэ командэ апшъэрэ купым хэтэп. Арэу щытми, апэ итхэмрэ ауж къи­нэхэрэмрэ гощыгъэхэ мэхъух. Апэ ишъыгъэхэр команди 8 — 9 зэрэхъухэрэр, ахэр нахьышIум щэгугъых. Ауж къинэхэрэр апшъэ­рэ купым къыхэзыщтых. «Шъачэм» ешIэкIо дэгъухэр ыштагъэх, ау къэлапчъэм Iэгуаор зэ ныIэп зэрэдидзагъэр.

«Спартак» ЦСКА-м зыдешIэм тилъэпкъэгъоу Р. Мырзэр зэIу­кIэгъум хэлэжьагъ, къэлапчъэм Iэгуаор дидзэнымкIэ чIыпIэшIу итыгъ. Тренер шъхьаIэу О. Коно­новыр Р. Мырзэм къыщытхъугъ, иIэпэIэсэныгъэ зэрэхигъахъорэр хигъэунэфыкIыгъ.

ЧIыпIэхэр

Я 6-рэ ешIэгъухэм ауж командэхэр чIыпIэу зыдэщытхэр, очко пчъагъэу яIэр. 1. «Зенит» — 14 2. «Локомотив» — 13 3. «Краснодар» — 13 4. «Спартак» — 11 5. «Ростов» — 11 6. ЦСКА — 10 7. «Рубин» — 10 8. «Арсенал» — 10 9. «Урал» — 7 10. «Уфа» — 7 11. «Ахмат» — 7 12. «Крылья Советов» — 6 13. «Динамо» — 5 14. «Тамбов» — 4 15. «Шъачэ» — 3 16. «Оренбург» — 2.

Я 7-рэ ешIэгъухэр

24.08 «Тамбов» — «Динамо» «Уфа» — «Зенит» «Краснодар» — «Локомотив» 25.08 ЦСКА — «Ахмат» «Крылья Советов» — «Спартак» «Ростов» — «Рубин» «Арсенал» — «Оренбург» 26.08 «Урал» — «Шъачэ».