«Спартак» Владикавказ – «Зэкъошныгъ» Мыекъуапэ – 0:2. ШышъхьэIум и 16-м Владикавказ щызэдешIагъэх.

«Зэкъошныгъ»: Гиголаев, Хьагъур, Омаров, Катаев, Кирьян (Ещенко, 70), Белов, Ахмедханов (Бровчук, 80), Делэкъу (Макеров, 60), Къонэ (Дыхъу, 65), Крылов, Кадимов.

Къэлапчъэм Iэгуаор дэзы­дзагъэхэр: Катаев — 25, Къонэ — 60.

ЗэгурыIоныгъэ ахэлъэу тиешIакIохэр зэнэкъокъум хэлэжьагъэх. «Зэкъошныгъэм» итренер шъхьаIэу, Адыгэ Республикэм изаслуженнэ тренерэу Ешыгоо Сэфэрбый тизэдэгущыIэгъу къыщыхигъэщыгъ зэкIэ тиешIакIохэм гуетыныгъэ ин ахэлъэу текIоныгъэм зэрэфэбэнагъэхэр.

Тазыр ешIапIэм «Зэкъошны­гъэр» ихьэзэ, «Спартакым» гумэ­кIыгъохэр къыфихьыщтыгъэх. Денис Крыловым ухъумакIор ыгъэплъэхъун ылъэкIыгъ, ыпэкIэ ытыгъэ Iэгуаом Никита Катаевыр лъычъи, шъхьэкIэ еуагъ. Бысым­хэм якъэлэпчъэIут Iэгуаом лъы­Iэбагъ, ау къызэкIидзэжьын ылъэкIыгъэп, 0:1 пчъагъэр хъугъэ.

ЗэIукIэгъум иятIонэрэ едзыгъо «Зэкъошныгъэм» «Спартак» ыгъэ­рэхьатыгъэп. ТиешIакIохэр апэкIэ илъыгъэхэу тазыр ешIапIэм пэмы­чыжьэу «Спартак» иухъумакIо шапхъэхэр ыукъуагъэх. «Зэкъошны­гъэм» икапитанэу Къонэ Амир тазырыр дэгъоу ыгъэцэкIагъ. Къэлапчъэм Iэгуаор щычэрэ­гъугъ, 0:2.

«Спартак» иешIакIо изакъоу тикъэлэпчъэIутэу Давид Гиголаевым къызекIум, пчъагъэр зэрихъокIын ылъэкIыгъэп. Давид цыхьэшIэгъоу ешIагъ.

Я 5-рэ зэIукIэгъухэр

«Черноморец» — «Анжи» — 2:1, «Краснодар-3» — «Алания» — 1:1, «Волгарь» — «Спартак» Нч — 6:0, «Мэщыкъу» — «Легион» — 4:0, «Махачкала» — СКА — 1:0, «Динамо» — «Биолог» — 3:0, «Интер» —«Урожай» — 2:2.

Зэтэгъапшэх

«Зэкъошныгъэм» мыгъэ ешIэгъуи 5 иIагъ, зэкIэми текIоны­гъэр къащыдихыгъ. 1. «Зэкъошныгъ» — 15 2. «Волгарь» — 13 3. «Динамо» — 12 4. «Махачкала» — 10 5. «Спартак» Нч — 8 6. «Черноморец» — 8 7. «Краснодар-3» — 8 8. СКА – 6 9. «Мэщыкъу» — 5 10. «Интер» — 5 11. «Легион» — 4 12. «Алания» — 4 13. «Биолог» — 4 14. «Анжи» — 3 15. «Урожай» — 2 16. «Спартак» Вл — 1. ШышъхьэIум и 25-м «Зэкъошныгъэр» «Анжи» дешIэщт. ЗэIукIэгъур къалэу Махачкала щыкIощт.