Адыгэ Республикэм кушъхьэфэчъэ спортымкIэ иеджапIэ зыщызыгъэсэрэ СтIашъу Мамыр Европэм изэнэкъокъу хэлэжьэнэу зегъэхьазыры.

Урысыем кушъхьэфэчъэ спортымкIэ ихэшыпыкIыгъэ командэ хэтых СтIашъу Мамыр ыкIи Елизавета Ошурковар. Тиспортсменхэр Европэм икIэух зэнэкъокъоу Голландием икъалэу Алкмарэ щыкIощтым хэлэжьэщтых. СтIашъу Мамыр ятэу Басам Сирием къикIыжьыгъ, апшъэрэ еджапIэ Ростов-на-Дону къыщиухыгъ, Мыекъуапэ щэпсэу. Ишъхьэгъусэу Жаннэ шIэныгъэлэжь, кIэлитIу зэдапIугъ. Насып ыкIи Мамыр апшъэрэ гъэсэныгъэ яI.

Европэм изэнэкъокъу шышъхьэIум и 7-м рагъэжьэщт. Нарт шъаоу СтIашъу Мамыр спортышхом гъэхъагъэ щишIынэу фэтэIо.

Сурэтым итыр: СтIашъу Мамыр.