Загъэхьазыры
Урысыем кушъхьэфэчъэ спортымкIэ изэнэкъокъу Белгород щыкIуагъ.
Адыгэ Республикэм испорт еджапIэ зыщызыгъасэхэрэ СтIашъу Мамыр, Александр Куликовскэр километри 187-рэ къэзычъыгъэхэм якуп хэтыгъэх. СтIашъу Мамыр я 10-рэ чIыпIэр хэгъэгум изэнэкъокъу къыщыдихыгъ, Александр Куликовскэм я 23-рэ чIыпIэр къыфагъэшъошагъ.
Спортсмени 100-м нахьыбэ Белгород игъогухэм ащызэнэкъокъугъ.
Республикэм кушъхьэфэчъэ спортымкIэ и Федерацие ипащэу, СтIашъу Мамыр итренерэу Анатолий Лелюк тызэрэщигъэгъозагъэу, Адыгеим икIалэхэм хэгъэгу, дунэе зэIукIэгъухэм зафагъэхьазыры, нэбгыритIури Урысыем ихэшыпыкIыгъэ командэ хэтых. Италием щыкIогъэ зэнэкъокъум А. Куликовскэм я 4-рэ чIыпIэр къыщыдихыгъ.