Баскетбол цIыкIумкIэ Урысыем икомандэхэм язэнэкъокъу Къырым щыкIуагъ.

Илъэси 8 — 12 зыныбжьхэр зэIукIэгъухэм ахэлэжьагъэх. Мые­къуапэ испорт еджапIэу N 2-м зыщызыгъасэхэрэм апэрэ чIыпIэр къыдахыгъ. 2007-рэ илъэсым ыкIи ащ ыуж къэхъугъэхэм щытхъуцIэр къафагъэшъошагъ.

Адыгэ Республикэм изаслуженнэ тренерэу Андрей Синельниковыр тикIэлэцIыкIухэм япэщагъ. Краснодар краим баскетболымкIэ и Федерацие, баскет- бол клубэу «Локомотив-Кубань» зыфиIорэм яшIухьафтын А. Синельниковым къыфагъэшъошагъ. Ащ дакIоу Андрей Синельниковыр тренер анахь дэгъоу зэнэ­къо­къум къыщыхахыгъ.

Самарэ, Раменскэм, Мыекъуа­пэ, нэмыкIхэм якIэлэцIыкIухэр зэнэкъокъум дэгъоу щешIагъэх. ЛIэужхэм язэпхыныгъэ гъэпытэгъэнымкIэ зэхэщакIохэр Iофтхьэ­бзэ гъэшIэгъонхэм кIэщакIо афэ­хъугъэх.

— Дунаим щыцIэрыIоу Андрей Кириленкэр ЦСКА-м, нэмыкI баскетбол командэхэм ащешIагъ. Адыгеим щыщ кIэлэцIыкIухэм ар къаIукIагъ.