Ипшъэшъэгъухэр къыфэгушIуагъэх
Дунэе зэIухыгъэ зэIукIэгъухэр традиционнэ каратэмкIэ Шъачэ щыкIуагъэх.
Урысыем ишъолъырхэм, IэкIыб хэгъэгухэм ябэнэкIо 300 фэдиз зэнэкъокъум хэлэжьагъ. Илъэс 14-м нэс зыныбжьхэм язэIукIэгъухэм Мыекъуапэ икъэзэкъ къутамэ зыщызыгъэсэрэ Милена Андросовам апэрэ чIыпIэр къащыдихыгъ.
Физкультурэр, спортыр зыщагъэлъэпIэрэ унагъом Милена Андросовар щапIу. Пшъэшъэжъыем ятэу Алексей къалэм икъэзэкъ обществэу «Заставэм» ныбжьыкIэхэр щегъасэх. М. Андросовар спортым пыщагъ, пшъэшъэгъухэр иIэх. Шъачэ щыкIогъэ зэнэкъокъум дышъэр къызэрэщихьыгъэм фэшI еджакIохэр, кIэлэегъаджэхэр къыфэгушIуагъэх.