IофшIэным, хэгъэгум икъэухъумэн ныбжьыкIэхэр афэгъэсэгъэнхэм фэгъэхьыгъэ фестивалым ия II-рэ едзыгъо хэхьэрэ зэIукIэгъухэр Адыгэ республикэ стадионым щыкIуагъэх.

ГТО-м ишапхъэхэр игъэкъугъэн­хэмкIэ республикэм икIэлэ­еджа­кIохэу илъэс 11 — 15 зыныбжьхэр зэнэкъокъугъэх. Тэ­хъутэмы­къое районым иеджа­кIохэм апэрэ чIыпIэр къыдахыгъ. Теуцожь районым ятIонэрэ, Адыгэкъалэ ящэнэрэ чIыпIэхэр ахьыгъэх.

Нэбгырэ зырызхэм язэIукIэ­гъу­хэм Сихьаджэкъо Бислъанрэ Шъхьэлэхъо Саидэрэ апэрэ чIыпIэхэр къащахьыгъэх. ЛIэхъусэжъ Дамир ыкIи Сиджахь Сабринэ ятIонэрэ хъугъэх, Даниил Астаховымрэ Талъэкъо Заирэрэ ящэ­нэрэх. ЗыцIэ къетIуагъэхэм я IV-рэ лъэгапIэр къыдахыгъ. Я III-рэ лъэгапIэр афагъэшъошагъэх Кирилл Землянкиным, Шагудж Залинэ, Хьэрэтэ Амир, Хьа­гъур Аминэ, Михаил Лобода ыкIи Тулпэрэ Маринэ.