Урысыем икIэлэеджакIохэм футболымкIэ язэнэкъокъоу «Шъо Iэгуау» зыфиIорэр Адыгэ респуб­ликэ стадионэу «Юностым» щэкIо.

ЗэIукIэгъухэр

«Антарес» Воронеж хэку — ДЮСШ-1 Астрахань хэку — 2:1, «Олимп» Пермскэ край — «Гимназия-1» Дагъыстан — 4:3, «Озинки» Саратов хэку — СОШ–17 Москва хэку — 1:3, «Копейчанка-2» Челябинскэ хэку — «Адыг» КЧР — 0:0, «Царицыно» Москва — ДЮСШ Карелиер — 6:0, «Строитель» Татарстан — «Олимп» Краснодар край — 0:1, «Дружина» Кемеровэ хэку — СОШ-7 Ставрополь — 0:2, «Тайфунчик» Къырым — «Водник» Чувашиер — 0:0.

Къэрэщэе-Щэрджэсым икомандэу «Адыгэр» зэнэкъокъум чанэу хэлажьэ. Клубым ипащэу Кундэхъу Виталийрэ тренерэу Айбэзэ Артуррэ къытаIуагъ пшъа­шъэхэр медальхэм зэрафэбэнэщтхэр.

— Илъэс заулэкIэ узэкIэIэ­бэжьмэ, мыщ фэдэ зэнэкъокъу­хэм сахэлэжьагъ, тикомандэ ды­шъэр къызыфагъэшъуашэм сызэрэгушIощтыгъэр сщыгъупшэ­рэп, — къеIуатэ адыгабзэкIэ Къэрэщэе-Щэрджэсым къикIыгъэ пшъэшъэ ищыгъэу ДыкI Ми­ланэ. — Пшъашъэхэри футболым зэрэфэщагъэхэр тшIогъэ­шIэгъон. Адыгеим зэIукIэгъухэр дэгъоу щэкIох.

Командэхэм пэшIорыгъэшъ ешIэгъухэр аухыгъэх. Зичэзыу зэIукIэгъухэр къызэрыкIохэп. «Адыгэр» Ставрополь икомандэ непэ IукIэщт.

Сурэтхэм арытхэр: ДыкI Милан, «Адыгэм» хэтхэр.