ЗэлъашIэрэ сурэтышIыр щыIэжьэп
Адыгэ Республикэм и ЛIышъхьэ Хэ-гъэгу зэошхом иветеранэу, республикэм щызэлъашIэрэ сурэтышIэу Филиппенко Петр Денис ыкъом илъэс 94-м итэу идунай зэрихъожьыгъэм пае щымыIэжьым игупсэхэмрэ иIахьылхэмрэ афэтхьаусыхагъ.
Филиппенко Петр Денис ыкъор илъэс 17 нахь ымыныбжьэу заом Iухьэгъагъ, флотым къулыкъур щихьыгъ, зэо зэфэшъхьафхэм ахэлэжьагъ, къэралыгъом медальхэмрэ орденхэмрэ ащ къыфигъэшъошагъэх. Краснодар дэт художественнэ училищэр къызеух нэужым Мыекъуапэ щыпсэунэу ар къэкIожьыгъагъ. П. Д. Филиппенкэм исурэтхэр Кавказым, игупсэ Адыгеим, къоджэ псэупIэхэм, заом фэгъэхьыгъэ гукъэкIыжьхэм япхыгъагъэх. Адыгэ тхакIохэм ащыщыбэм къыдагъэкIыгъэ кIэлэцIыкIу тхылъхэми исурэтхэр къадэхьэгъагъэх. Опсэуфэ сурэт къэгъэлъэгъонхэм, экспозициехэм ахэлэжьагъ, Адыгеим имузейхэм яфондхэм ащ иIофшIагъэхэр ачIэлъых.