Мэлылъфэгъум и 29-м Адыгеим и ЛIышъхьэу КъумпIыл Муратрэ Урысыем спортымкIэ иминистрэу Павел Колобко­вымрэ Москва зэIукIэгъу щызэдыряIагъ.

Республикэм испорт отраслэ иIофхэм язытет, федеральнэ программэу «2016 — 2020-рэ илъэсхэм физическэ культу­рэм­рэ спортымрэ Урысые Фе­де­рацием зыщягъэушъомбгъугъэныр» зыфиIорэр Адыгеим тапэ­кIэ зэрэщыпхыращыщтым епхыгъэ Iофыгъохэм атегущыIагъэх.

ЗэIукIэгъум джащ фэдэу хэлэжьагъэх Адыгеим ыцIэкIэ Урысые Федерацием и Къэралыгъо Думэ идепутатэу Хьасанэкъо Муратрэ Адыгэ Рес­пуб­ликэм физическэ культу­рэмрэ спортымрэкIэ и Комитет итхьаматэу Дэгужъые Муратрэ.

Республикэм щагъэцэкIэщт проект заулэ федеральнэ программэм хэгъэхьэгъэныр ­Адыгэ Республикэм и ЛIышъхьэ игъоу ылъэгъугъ. Ахэм ахэхьэ атлетикэ онтэгъумкIэ республикэ гупчэ гъэпсыгъэныр, республикэ шы къэгъэчъапIэмрэ шы-спорт еджапIэмрэ гъэкIэжьыгъэнхэр, акробатикэмкIэ, гимнастикэмкIэ, батутым щыдэпкIэенхэмкIэ рес­публикэ гупчэ шIыгъэныр.

Кушъхьэфэчъэ спортым пае федеральнэ спорт комплекс шIыгъэнымкIэ амалэу щыIэхэм

Республикэм испорт отраслэ иIофхэм язытет, федеральнэ программэу «2016 — 2020-рэ илъэсхэм физическэ культу­рэм­рэ спортымрэ Урысые Фе­де­рацием зыщягъэушъомбгъугъэныр» зыфиIорэр Адыгеим тапэ­кIэ зэрэщыпхыращыщтым епхыгъэ Iофыгъохэм атегущыIагъэх.

ЗэIукIэгъум джащ фэдэу хэлэжьагъэх Адыгеим ыцIэкIэ Урысые Федерацием и Къэралыгъо Думэ идепутатэу Хьасанэкъо Муратрэ Адыгэ Рес­пуб­ликэм физическэ культу­рэмрэ спортымрэкIэ и Комитет итхьаматэу Дэгужъые Муратрэ.

Республикэм щагъэцэкIэщт проект заулэ федеральнэ программэм хэгъэхьэгъэныр ­Адыгэ Республикэм и ЛIышъхьэ игъоу ылъэгъугъ. Ахэм ахэхьэ атлетикэ онтэгъумкIэ республикэ гупчэ гъэпсыгъэныр, республикэ шы къэгъэчъапIэмрэ шы-спорт еджапIэмрэ гъэкIэжьыгъэнхэр, акробатикэмкIэ, гимнастикэмкIэ, батутым щыдэпкIэенхэмкIэ рес­публикэ гупчэ шIыгъэныр.

Кушъхьэфэчъэ спортым пае федеральнэ спорт комплекс шIыгъэнымкIэ амалэу щыIэхэм шъхьафэу атегущыIагъэх. Урысыем и Президентэу Владимир Путиным пшъэрылъ зэрафишIыгъэм тетэу Урысые Федерацием иминистрэхэм я Кабинет мы проектым джыдэдэм щыхэплъэх.

ЦIыфхэм япсауныгъэ зыщагъэпытэщт физкультурэ комплексыкIэхэм ягъэпсынкIэ, Iэ­рышI футболешIапIэхэм, Олимпиадэхэм ахэлэжьэщтхэр зыщагъэхьазырхэрэ кIэлэ­цIыкIу-ныбжьыкIэ спорт еджапIэхэм апае спорт оборудованием якъэщэфынкIэ, Урысыем ихэшыпыкIыгъэ командэхэм ахэтыщтхэм якъэгъэхьазырын пылъ спорт организациехэм финанс IэпыIэгъу ягъэгъотыгъэнымкIэ амалэу щыIэхэм ахэплъагъэх.

Спорт инфраструктурэм изегъэушъомбгъункIэ Адыгэ Рес­публикэм Iофышхо зэрэщашIэрэр Урысые Федерацием спортымкIэ иминистрэу Петр Колобковым къыIуагъ. Бюджет мылъкур шIуагъэ къытэу, игъом ыкIи икъоу Адыгеим щагъэфедэх, республикэм федеральнэ гупчэм ыпашъхьэ щыриIэ пшъэрылъхэр зэкIэ егъэцакIэх.

Программэу «Спортыр — щыIэныгъэ шапхъ» зыфиIорэр Адыгеим дэгъоу зэрэщагъэца­кIэрэми Павел Колобковым игу­гъу къышIыгъ. НепэкIэ рес­публикэм спорт псэолъэ 900-м ехъу ит; 2018-рэ илъэсым нэ­бгырэ мини 172-рэ е респуб­ликэм исхэм япроцент 38-рэ физическэ культурэмрэ спортымрэ апылъыгъ. 2019-рэ илъэ­сым нэбгырэ мини 180-рэ фэ­диз ахэм къахырагъэубытэнэу рахъухьэ.

«ЦIыфхэр жъугъэу зыхэлэ­жьэрэ спортымкIэ гъэрекIо рес­публикэм пэрытныгъэр ыубы­тыгъ, апшъэрэ текIоныгъэхэр зыщашIырэ спортми зеушъомбгъу. Кушъхьэфэчъэ спортым, дзюдом ыкIи нэмыкI бэнэкIэ лъэпкъхэм республикэм лъэшэу анаIэ зэращытырагъэтырэр си­гуап. Илъэс заулэкIэ узэкIэ­Iэ­бэжьмэ, Урысыем кушъхьэ­фэ­чъэ спортымкIэ ифедерацие тыригъусэу Адыгеим велотрек къыщызэIутхыгъагъ. Кушъхьэ­фэчъэ спортым изегъэушъом­бгъункIэ ащ ишIуагъэ къэкIуагъ, джыдэдэм ащ зэнэкъокъубэ щызэхащэ. Зэнэкъокъухэри, угъоинхэри зыщыкIощт велотрек дэгъу гъэпсыгъэным епхыгъэ Iофыгъом джыдэдэм тыдэла­жьэ», — хигъэунэфыкIыгъ Урысые Федерацием спортымкIэ иминистрэ.

Павел Колобковым Адыгеим и ЛIышъхьэ игъоу ылъэгъугъэ­хэм къадыригъэштагъ, лъэныкъо зэфэшъхьафхэмкIэ пащэхэм пшъэрылъ гъэнэфагъэхэр афи­шIыгъэх.