Адыгэ Республикэм и Къэралыгъо Совет – Хасэм, Адыгэ Рес­публикэм имуниципальнэ образованиехэм ялIыкIо къулыкъухэм ядепутатхэу лъытэныгъэ зыфэтшIыхэрэр!

Урысые парламентаризмэм и Мафэ фэшI тышъуфэгушIо!

Урысыем хэхъоныгъэ ышIынымкIэ мэхьанэшхо зиIэхэм парламентаризмэр ащыщ. Хэбзэихъухьэхэм шIуагъэ къытэу Iоф зэрашIэрэр ары шэпхъэ-правовой лъэпсэ дэгъу зыкIытиIэр. Ащ амал къытеты социальнэ-экономикэ зэхъо­кIыныгъэхэр тшIынхэу, къэралыгъо суверенитетыр дгъэпытэнэу.

ХэбзэихъухьанымкIэ опытэу, хабзэу щыIэхэр политикэ кIуачIэхэр зэгурыIонхэмкIэ, тикъэралыгъо нахь зэтегъэ­псыхьагъэ хъуным, цIыфхэм ящыIэ­кIэ-псэукIэ зыкъегъэIэтыгъэным атегъэ­псыхьэгъэ унэшъо тэрэзхэм яштэнкIэ сыдигъуи лъэпсэшIоу зэрэщытыщтхэм тицыхьэ телъ.

Республикэм ипарламентариехэм псауныгъэ пытэ яIэнэу, Адыгейми, Урысыеми апае IофышIоу рахьыжьэ­хэрэм гъэхъагъэхэр ащашIынэу тафэ­лъаIо!

Адыгэ Республикэм и ЛIышъхьэу КъумпIыл Мурат

Адыгэ Республикэм и Къэралыгъо Совет – Хасэм и Тхьаматэу Владимир Нарожный